Friday , March 29 2024
PINAGTIBAY ni Pasig River Rehabilitation Commission Exec. Dir. Jose Antonio "Ka Pepe" E. Goitia ang seryosong paglilingkod sa pagbuhay ng Ilog Pasig sa pakikipagtulungan nina Honda Foundation Inc. Chairman Yoshihiro Yamada, HFI Exec. Dir. Riza Quito, ABS-CBN Lingkod Kapamilya Foundation Inc. (ALFKI) Bantay Kalikasan Chief Finance and Service Officer Noemi Samson, ALFKI Program Director Jen Santos, PRRC Deputy Exec. Dir. for Operations Gregorio Garcia at Brgy. 832 Chairman Ireneo Fernandez kasabay ng kanilang paglagda sa deed of transfer and acceptance (DOTA) ng Brgy. 832 Phase II Linear Park sa Pandacan, Maynila. (BONG SON)

Disiplina tanging solusyon sa kaunlaran ng bansa

HINIMOK ni Pasig River Rehabilitation Commission Executive Director Jose Antonio “Ka Pepeton” E. Goitia ang taong bayan na pairalin ang disiplina upang mapigilan ang labis na pagtatapon ng mga basura sa daluyang tubig at tributaryo ng Ilog Pasig.

Bagamat araw ng Linggo, imbes nagpapahinga, sinikap ni Goitia na pangunahan ang kanyang mga River Warriors na linisin ang malahalimaw na basura sa ilalim ng Sevilla Bridge sa pagitan ng mga lungsod ng Mandaluyong at San Juan City.

“Hindi kaya ng local government units ang paglilinis ng sobrang dami ng basurang ito. Pati ang MMDA (Metro Manila Development Authority), hirap na rin. Kaya nakikiusap kami sa taong bayan, tumulong naman sila at igalang ang kalikasan,” pahayag ni Goitia na tiniis ang labis na init ng panahon para lamang masamahan ang kanyang mga tauhan noong hapon ng Linggo.

Iginiit ng PRRC head na matibay na disiplina ang dapat pairalin ng mamamayan upang hindi na masalaula ang ating kalikasan.

“Nakikiusap ako sa ating mga kababayan, mahalin natin ang ating kalikasan. Hindi natin makakamit ang lubos na tagumpay at magiging mahirap para sa atin kung hindi makikiisa ang mga Filipino sa mga layunin ng ating mahal na Pangulong Rodrigo Duterte tungo sa Pagbabago,” hiling ni Goitia.

Ganap na 3:00 ng hapon, sa gitna ng init, patuloy ang River Warriors sa pagtatanggal ng sangkaterbang mga basura na halos okupahan na ang buong ilog ng San Juan at Mandaluyong.

“Bukod sa mga sakit na maaaring makuha ng mga tao sanhi ng labis na basura sa mga ilog, nagsisilbi pa itong hadlang sa mga plano ng ating pamahalaan na mapabuti ang pamumuhay ng bawat mamamayang Filipino. Sana, magtulungan tayo alang-alang sa ikabubuti ng ating bayan,” dagdag ni Goitia.

About hataw tabloid

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *