Thursday , November 15 2018
Breaking News
You are here: Home / Sports / Mordido reyna sa chess (Palarong Pambansa)
Mordido reyna sa chess (Palarong Pambansa)

Mordido reyna sa chess (Palarong Pambansa)

VIGAN CITY – Nasilo  ni Woman Candidate Master Kylen Joy Mordido ng Region IV-A-STCAA ang gold medal matapos magreyna sa Secondary Girls Chess Standard sa katatapos na Palarong Pambansa 2018 na ginanap sa Baluarte Function Hall, Bgy Salinden, Ilocos Sur.

Nilista ni Mordido ang 6.5 puntos  matapos kalusin si Mary Joy Tan ng Misamis Oriental, (Region X) sa seventh at final round sapat para sungkitin ang ginto sa standard event.

READ MORE:  Baracael itatapon ng Ginebra?

Nakopo ni WNM Francois Marie Magpily ng NCR ang silver medal, kinaldag nito si CARAA bet Bea Mendoza para ilista ang six puntos.

May limang puntos si Mendoza kapareho ni Natori Biazza Diaz ng Region VI-WVRAA subalit nakopo ng una ang bronze medal matapos ipatupad ang tie-breaks.

Kinalawit naman ni Heart Padilla ng Region III-CLRAA ang ginto sa Elementary Girls Standard matapos irehistro ang anim na puntos.

READ MORE:  Programa sa Karera: Sta Ana Park

Nakalikom din ng six points si Ruelle Canino ng Region X – NMRAA pero lumanding siya sa second place para sa silver medal habang bronze ang nahamig ni Aliyah Rae Lumangtad ng Region XI – DAVRAA, nakapagtala siya ng five points.

Naghari sa Secondary Boys Standard si Julius Gonzales, lumikom ng anim na puntos ang NCR star matapos itaob si Chris Aldritz Pondoyo ng Region VII sa event na ipinatupad ang seven round swiss system.

READ MORE:  Jarin: Nangangapa pa ako sa San Beda

Nasilo ni top seed Daniel Quizon ng Region IV-A ang silver habang bronze si Jeremy Tanudra ng Region VII.

Si Mark Jay Bacojo ng Region IV-A ang komopo ng gold medal sa Elementary Boys Standard.

(ARABELA PRINCESS DAWA)

COMMENTS

About Arabela Princess Dawa

Scroll To Top
 

Copyright hatawtabloid.com | All Rights Reserved