Wednesday , November 14 2018
Breaking News
You are here: Home / Showbiz / Kris, muling iginiit, milyon ang nakuha ni James
Kris, muling iginiit, milyon ang nakuha ni James

Kris, muling iginiit, milyon ang nakuha ni James

PALAGAY namin, tama naman ang ginagawa ni James Yap na huwag nang patulan kung ano man ang hindi magandang sinasabi tungkol sa kanya. Kasi kung titingnan mo naman ang pinag-uugatan niyon, talagang lumalabas na bitter pa rin ang dati niyang asawa sa nangyari sa kanila. Hanggang ngayon nga sinasabing “milyon” ang nakuha ni James nang maghiwalay sila, na parang wala talagang naiambag si James sa kanilang naging kabuhayan noon.

Pero natatandaan namin, nakakuwentuhan namin noon ang abogado ni James na si Lorna Kapunan, na nagsabing kung ano man ang nakuha ni James sa hiwalayang iyon, ay iyon lamang inaakala nilang dapat ay sa kanya. Sa ilalim ng batas, sa paghihiwalay ng mag-asawa, dapat sana ay hati sila, fifty-fifty sa kung ano mang conjugal properties na mayroon sila. Pero si Kapunan ang nagsabi mismo na hindi ganoon ang kanilang hiningi. Kinuha lang nila iyong inaakala nilang pundar naman talaga si James, dahil para sa kanila ang mahalaga lang ay matapos na ang usapan.

READ MORE:  Ina ni Sarah, ‘di na dapat nagdrama
READ MORE:  Jessy Mendiola, enjoy sa hosting ng UAAP Cheerdance

Pinili rin naman siguro nila na maging single parent sa kanilang anak, para nga mawalan na ng pakialam si James, pero ngayon isinusumbat na wala raw ipinadadalang sustento si James.

Matitigil lang lahat iyang usapang iyan kung hindi na lang kikibo si James. Ano pa ba naman ang hahanapin niya, masaya na siya sa buhay niya kasama ang kanyang girlfriend na si Michela Cazzola. May anak na siyang lalaki, at malapit nang isilang ang ikalawa nilang anak na isa namang babae. Kompleto na ang pamilya niya eh. Maging masaya na siya roon.

READ MORE:  Buboy, malaki ang pasalamat sa proyektong Kid Kulafu

Maganda rin naman ang buhay niya, at napatunayan niya na kaya niyang magtaguyod ng kanyang pamilya nang hindi umaasa sa kahit na sino. At halatang happy si James ha. Kung noon nababalitang nambababae siya, bakit ngayon tahimik ang kanyang buhay? Kasi kuntento na siya.

HATAWAN
ni Ed de Leon

COMMENTS

About Ed de Leon

Scroll To Top
 

Copyright hatawtabloid.com | All Rights Reserved