Tuesday , September 25 2018
Breaking News
You are here: Home / News / 2 lalaking umiihi arestado sa droga (Sa pampublikong lugar)
2 lalaking umiihi arestado sa droga (Sa pampublikong lugar)

2 lalaking umiihi arestado sa droga (Sa pampublikong lugar)

HINULI ang dalawang lalaki habang umiihi sa pampublikong lugar at nakompiskahan ng umano’y ilegal na droga sa Pasay City, kahapon ng madaling-araw.

Nakakulong sa detention cell ng Pasay City Police ang mga suspek na sina Jomar Mamaril, 27, at Kevin Ogaya, 27, barker, kapwa residente sa E. Rodriguez St., Brgy. 4, Zone 2, sa nasabing lungsod.

READ MORE:  Sekyu ng Maynila utas sa tarak ng padyak boy

Base sa ulat ni Southern Police District (SPD) Public Information Office (PIO) spokesperson, Supt. Jenny Tecson, naganap ang insidente sa panulukan ng F.B. Harrison at E. Rodriguez streets, dakong 4:00 ng madaling-araw.

Nagpapatrolya sina PO1 Adel Ryan Espinas, PO1 Dennis Suyu at PO1 Benigno Aquino, nang mamataan ang dalawang suspek habang umiihi sa publikong lugar.

READ MORE:  28 CoP, intel officer sinibak sa Bicol

Sinita nila ang mga suspek at nang kapkapan ay nakuha mula kina Mamaril at Ogaya ang isang pakete ng hinihinalang shabu, at drug paraphernalia.

Dinala ang mga suspek sa tanggapan ng Station Drug Enforcement Unit (SDEU) ng Pasay City Police upang imbestigahan at sampahan ng kasong paglabag sa Comprehensive Dangerous Drugs Act of 2002 (RA 9165) at City Ordinance No.1572 (Urinating in Public Places) sa Pasay Prosecutor’s Office.

READ MORE:  Lim at Atienza sanib-puwersa vs krimen at droga sa Maynila

 (JAJA GARCIA)

COMMENTS

About Jaja Garcia

Scroll To Top
 

Copyright hatawtabloid.com | All Rights Reserved