Friday , March 29 2024

Sharon, walang makatambal

NOONG pumayat si Sharon Cuneta at sabihin niyang nakahanda na siyang muling humarap sa camera at gumawa ng pelikula, wala namang nakitang problema ang mga tao. Kasi iyon lang naman talaga ang problema ni Sharon noong araw, nagpabaya siya hanggang sa tumaba na siya at wala na ngang magawang role para sa kanya. Malabo namang gamitin mo ang kanyang katabaan at gawin siyang isang comedian. Remember, isang megastar at kinikilalang mahusay na aktres din si Sharon.

Noon pa lang simula, usap-usapan na ngang siguro magiging malaking hit ang kanyang comeback kung makakatambal niyang muli ang dating asawang si Gabby Concepcion. Noon namang mga panahong iyon sinasabi ni Gabby na walang problema sa kanya dahil gusto rin niyang pagbigyan ang kanilang fans. Si Sharon ang bantulot noong una, at sinasabi niyang baka kung ano pang tsismis ang mabuo kung magkakasama silang muli, at nahihiya siya sa kanyang asawa.

May sinasabi pa nga si Sharon noon na kung hindi si Gabby, nandiyan naman ang iba niyang mga nakatambal noong araw na sina Richard Gomez na noon ay aktibo pa bilang actor. Si Aga Muhlach. Si Robin Padilla, at marami pang iba.

Hindi nga sila natuloy ni Gabby. Pero hindi na rin puwede si Goma dahil naging mayor ng Ormoc at marami siyang ginagawang trabaho roon. Hindi rin ubra si Aga. Habang naghihintay, gumawa ng indie si Sharon na alam naman na naging flop sa takilya. Tapos gumawa sila ng pelikula ni Robin na masasabi ngang sa kabila ng media hype, hindi rin umabot sa expected results.

Kasunod niyon gumawa sila ng commercial ni Gabby, na hindi pa man nailalabas sa telebisyon, pinag-uusapan na at inabangan ng fans. Umabot ng milyon ang hits niyon sa internet. Kung iyon ay isang pelikula at ganoon karami ang nanood, malaking hit na pelikula iyon. Pero in the end, sumabit na naman ang movie project.

Marami pa rin ang naniniwala na si Gabby ang kailangang makatambal ni Sharon, para makabalik siya sa rati niyang popularidad. Pero mukha nga yatang malabo nang mangyari iyon sa ngayon.

HATAWAN
ni Ed de Leon

About Ed de Leon

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *