Wednesday , November 14 2018
Breaking News
You are here: Home / Showbiz / 1st collaboration ni Maja sa Thai musician, humahataw
1st collaboration ni Maja sa Thai musician, humahataw

1st collaboration ni Maja sa Thai musician, humahataw

HUMAHATAW pa rin sa iba’t ibang panig ng Asia at iba pang bahagi ng mundo ang kantang Falling Into You, ang first collaboration ni Maja Salvador sa Thai musician na si Tor Saksit.

Matagumpay ang sunod-sunod na release nito sa iba’t ibang panig ng mundo tulad noong Feb. 9, 2018 dahil sa kolaborasyon ng Ivory Music & Video, BEC-TERO Music Thailand, at Tourism Authority of Thailand. Dahil dito, nagsanib-puwersa rin ang mga tagahanga nina Maja at Tor kaya naman tagumpay ang resulta ng kanilang bonggang project together.

READ MORE:  Heart, maselan ang paglilihi; pabango at prito, ayaw maamoy

Noong February, 2018 naman ay bumisita si Tor sa Pilipinas para i-promote ang kanilang single at music video. Nagkaroon sila ng guesting ni Maja sa mga radio station, na sinundan ng mga press conferences at TV guesting sa It’s Showtime at ASAP ng ABS-CBN.

Ang kanta nilang Falling Into You ay nakakuha rin ng puwesto sa Myx Daily Top Ten sa ilang magkakasunod na linggo, matapos nga itong i-release ng Sony Music International sa Australia, New Zealand, Singapore, Malaysia, Indonesia, Vietnam, at Korea.

READ MORE:  Magandang aktres, nagpakasal sa beki at nakipagrelasyon sa dyowa ng beki

Bibisita naman sa mga susunod na buwan si Maja sa Thailand para sa bagong promo tour ng kanilang single.

Samantala, sa pagdami ng fans and followers ni Maja sa Thailand, ipinalabas din doon (na i-dinub sa Thai) ang dalawa sa mga teleserye niya sa ABS-CBN, ang Bridges Of Love at The Legal Wife.

Magri-release din sina Maja at Tor ng remix ng Falling Into You sa mga susunod na buwan. Ang Falling Into You ay available na for streaming at puwede nang ma-download sa Spotify, Deezer, iTunes, Apple Music. Available na rin ang official music video sa YouTube Channel ng Ivory Music & Video.

READ MORE:  Strawberry, favorite ng mga artista!

SHOWBIZ KONEK
ni Maricris Valdez Nicasio

COMMENTS

About Maricris Valdez Nicasio

Scroll To Top
 

Copyright hatawtabloid.com | All Rights Reserved