Tuesday , September 25 2018
Breaking News
You are here: Home / Showbiz / Mommy ni Ryan, lilipad ng ‘Pinas para manood ng DOTGA
Mommy ni Ryan, lilipad ng ‘Pinas para manood ng DOTGA

Mommy ni Ryan, lilipad ng ‘Pinas para manood ng DOTGA

MASAYANG ibinalita ni Ryan Bang na dadalo sa premiere night ng pelikula nila ni Kim Chiu, ang Da One That Ghost Away ang kanyang Mommy.

Sa April 18 mapapanood ang DOTGA at kauna-unahang pelikulang pinagbibidahan ni Ryan. Kaya naman ganoon na lamang ang kasiyahan niya at pasasalamat na pinagkatiwalaan siya ng Star Cinema.

Nakakuwentuhan namin si Ryan sa media con ng DOTGA at nabanggit nitong ang mga magulang pala niya mismo ang nagpadala sa kanya sa Pilipinas dahil nagkaroon ng problema ang mga ito.

“Hindi ko alam kung bakit dito (Manila) nila ako ipinadala. Basta sabi ng Mama ko magbakasyon muna ako rito sandali kasi may problema po kami sa pamilya. Kaya nagpunta ako rito.

“Thirteen years na akong nandito. May kaibigan dito si Mama ko. Roon ako tumira, Koreano rin siya,” kuwento ni Ryan.

Naikuwento rin nito kung paano siya nasama sa PBB Teen Clash noong 2010 na si James Reid ang nanalo. “Student council ako sa school tapos nag-speech po ako, natuwa ‘yung isang magulang doon, writer pala siya ng ‘PBB’, kaya kinuha ako,” pagkukuwento ni Ryan.

Hindi maikakailang masaya si Ryan sa ‘Pinas na bukod sa DOTGA ay regular na napapanood, mula Lunes hanggang Sabado sa It’s Showtime at Sana Dalawa Ang Puso sa ABS-CBN. Dagdag pa rito ang gagawin nilang pelikula nina Zanjoe Marudo at Empoy, ang Kusina King.

Kaya naman kahit hindi niya tanggapin ang ilang offers sa Korea ay okey. Pero sambit ni Ryan, tinanggap niya ang offer na hosting job sa Korea at ilang guesting.

READ MORE:  Kris, patuloy na nabibiyayaan (kahit ‘di maganda ang 2017)

“Last Saturday napalabas ako sa Korea, ‘yung ‘Battle Trip’ ng KBS. Malakas ang show na iyon. Nag-taping kami sa Boracay, pero Korean show iyon.

“May offer din sa akin iyong ‘Video Star,’ dapat ang taping namin sa April 19, pero hindi ako pumunta kasi siyempre iso-showing na ang pelikula namin.

READ MORE:  Echo, ang galing-galing umarte (ABNKKBSNPLAko, buhay estudyante ang tema)

“‘Tapos ‘yung Infinite Challenge, translator ako ni Sen. Manny Pacquiao.

“Okey naman ‘yung mga Korean offers sa akin kasi ‘yung mga guesting ko tungkol sa Philippines. ‘Yung ipino-promote ko ang Pilipinas,” sambit pa ng komedyante.

Bagamat maraming offers sa Korea at siyempre malaki ang ganansiya niya roon, sa Pilipinas pa rin siya mananatili dahil aniya, “Gusto ng mommy ko magtrabaho ako sa Korea kasi malaki ang offer. Pero gusto ng daddy ko rito ako sa Pilipinas. Kasi tinanong ako ng daddy ko sabi niya ‘kung saan ka masaya roon ka dapat hindi dapat sa kung gaano kalaki ang makukuha mong suweldo. Kaya rito muna ako.”

Napaka-humble namang sinabi ni Ryan na hindi pa ganoon kalaki ang kinikita niya dahil umuupa pa lamang siya at wala pang sariling bahay. “Wala pa, simula pa lang ako eh,” giit nito.

At nang matanong kung ano ang gusto niyang mapangasawa, Pinay o Koreana, ang sagot niya, “Kahit sino basta kung sino ‘yung magustuhan ko.”

Ukol naman sa usaping may crush siya sa kanyang leading lady na si Kim, kinlaro niya ito. “Totoo ‘yun pero hindi ko naman siya liligawan. Crush lang, siyempre may relasyon naman sila ni Xian (Lim). Wyaw ko namang guluhin, respeto ko na lang. Ang bait naman ni Kuya Xian. Crush lang hanggang diyan lang ako. Maganda rin naman ‘yun sa pelikula.”

At nang matanong kung sino ang gusto nyang makasama sa pelikula, aniya, “Hindi naman ako choosy, hindi naman ako mapili. Hindi naman ‘yung skills ko na sobrang galing para piliin ko ang makaka-partner ko. Sobrang guwapo ba ako? Hindi naman ako ganoon. Kung sino darating sa akin, siyempre tatanggapin ko.”

Pero kung may choice ka,  sino ang gusto mong maka-partner, tanong naming. “Si Tita Malou Santos. Basta si Tita Malou,” giit pa niya.

READ MORE:  Ka Freddie, deadma sa sinapit ni MAegan

SHOWBIZ KONEK
ni Maricris Valdez Nicasio

COMMENTS

About Maricris Valdez Nicasio

Scroll To Top
 

Copyright hatawtabloid.com | All Rights Reserved