Saturday , September 22 2018
Breaking News
You are here: Home / Showbiz / Direk Louie, tiniyak na magpapakilig at magpapaiyak sina Barbie at Derrick sa Almost A Love Story
Direk Louie, tiniyak na magpapakilig at magpapaiyak sina Barbie at Derrick sa Almost A Love Story

Direk Louie, tiniyak na magpapakilig at magpapaiyak sina Barbie at Derrick sa Almost A Love Story

TINIYAK ng award winning director na si Louie Ignacio na magpapakilig at magpapaiyak sa moviegoers sina Barbie Forteza at Derrick Monasterio sa pelikulang Almost A Love Story ng movie company ni Ms. Baby Go.

Sinabi ni Direk Louie na bahagi talaga ng istorya ng pelikulang ito ang mga nakakikilig na eksena. “Actually iyong kilig niya ay part of the story, na dapat kasi may kilig para ma-develop mo ‘yung susunod na mangyayari sa film. Makikita naman sa movie ‘yung rapport nina Barbie at Derrick, so roon pa lang ay nakakikilig na talaga.

“So kumbaga, mapapaniwala mo sila na kikiligin ka talaga, pero iiyak ka rin sa movie na ito,” nakangiting saad ng masipag na Kapuso direktor.

Pinuri niya rin ang galing dito nina Barbie at Derrick. “Ibang klase ‘yung dalawa. Basta ‘di ako nahirapan. Masaya ako. Perfect ‘yung casting, ‘yung pairing nila.”

Nabanggit din niyang challenge sa kanya ang pelikula dahil ito ang unang mainstream movie ng BG Productions. “Well, nakaka-challenge of course. Sabi ko nga, it’s about time na gumawa naman ang BG ng ganitong klaseng movie na sana ay mapanood ng lahat, ‘di ba? Maraming mga advocacy films na ginawa ang BG, pero dito sa Almost A Love Story, mai-in love naman ang moviegoers.”

Pero may aral din ba rito na ma-appreciate ng manonood? “Oo naman, yeah. Dere-deretso iyan, sana lang madala sila kung ano man ‘yung gustong palabasin ng story, simple lang e, simple lang ‘yung story,” sambit ni Direk Louie.

Handog ng BG Productions International at sa pakikipagtulungan ng Salento Cinema of Ita-ly, at GMA-7, and distributed ng Regal Films Incorporated, ang Almost A Love Story ay mula sa panulat ni Onay Sales.

Bukod kina Barbie, Derrick at Lotlot, kasama rin sa pelikula sina Ana Capri at Matet de Leon. Showing na ngayon ang pelikulang ito na Graded-B ng Cinema Evaluation Board at Rated-G ng MTRCB kaya puwedeng-puwede itong panoorin ng buong pamilya.

ALAM MO NA!
ni Nonie Nicasio

COMMENTS

About Nonie Nicasio

Scroll To Top
 

Copyright hatawtabloid.com | All Rights Reserved