Friday , November 16 2018
Breaking News
You are here: Home / Bulabugin / Malls na ‘coddler’ ng kolorum na PUBs & PUVs binantaan ni Usec. Orbos
Malls na ‘coddler’ ng kolorum na PUBs & PUVs binantaan ni Usec. Orbos

Malls na ‘coddler’ ng kolorum na PUBs & PUVs binantaan ni Usec. Orbos

SERYOSO ba talaga si Transportation Undersecretary for Roads Tim Orbos na pagmumultahin ang mga mall na nagkakanlong ng colorum na public utility vehicles and buses (PUVs/Bs) at UV Express na nagbabayad ng terminal fee sa kanila?

O papogi as in press release lang ‘yan?!

Ayon kasi kay Orbos, pagmumultahin umano ang mga mall ng P50,000 sa bawat jeep na kolorum at hanggang P1 milyon sa bawat bus na kolorum.

READ MORE:  Imbudo ng traffic sa Sucat road, dahil sa inutil na bagong traffic lights!

Ang tanong: pagkatapos bang magmulta, patitigilin na sa pagpasada o gagawin lang ‘ATM’ as in pagpapahingahin nang ilang panahon at pagkatapos ay huhulihin at muling pasusukahin?!

Malaking pitsaan ‘yan, Usec. Orbos!

Itinatanong natin ito dahil kung talagang seryoso si Usec. Orbos sa kanyang kampanya, bakit namamayagpag sa Pasay City ang mga kolorum na bus na biyaheng probinsiya gaya ng Billy Bus?!

READ MORE:  Mga ospital sa Maynila pahirap na ngayon sa Manilenyo

Baka mabubuyangyang lang ‘yan kapag may malaking aksidente na maraming nagbuwis ng buhay na kinasasangkutan ng mga kolorum na bus?

At ‘yan ang katotohanan Usec. Orbos, bubusisiin n’yo lang ang public transportation kapag maraming namatay sa isang aksidente.

Huwag naman sanang ganoon na hihintayin munang may malaking aksidente bago linisin ang mga kolorum.

Diyan sa Liwasang Bonifacio, hanggang nga­yon ba ay walang pakialam ang tanggapan ni Usec. Orbos sa naglipanang kolorum?!

READ MORE:  Hinaing ng taga-Isulan, Sultan Kudarat

Usec. Orbos Sir, lawakan naman ninyo ang inyong tingin, huwag pirming EDSA lang ang ti­tig.

Mahirap bang titigan ang Plaza Lawton?!

Umpisahan na ninyo, Mr. Undersecretary!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap

COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved