Wednesday , September 26 2018
Breaking News
You are here: Home / Showbiz / Ana Capri, sobrang nag-enjoy sa pelikulang Almost A Love Story
Ana Capri, sobrang nag-enjoy sa pelikulang Almost A Love Story

Ana Capri, sobrang nag-enjoy sa pelikulang Almost A Love Story

ONE week nag-shooting sa Italy ang casts ng pelikulang Almost A Love Story na showing na sa April 11. Ang premyadong aktres na si Ana Capri ang isa sa casts ng pelikulang ito na pinagbibidahan nina Barbie Forteza at Derrick Monasterio.

Ayon kay Ana, masaya siya sa pagiging bahagi ng pelikulang ito ng BG Production International ni Ms. Baby Go.

“Sobrang happy ko talaga, ito ‘yung first mainstream ng BG at ire-release by Regal pa, hindi ba? Thankful ako kay Ms. Baby Go na tumutulong na rin sa akin ngayon, bale para i-manage ako sa movies.

“So, bale salamat talaga sa opportunity, ‘tsaka sa tiwala nila sa akin. And kasi, ang ganda talaga ng lugar na pinag-shooting-an namin sa Italy. Lalo siyang nakatulong para sa ikagaganda ng movie, e. Tapos si Direk Louie (Ignacio) pa ang director na birthday ngayon, so, kaabang-abang talaga ang movie na ito,” saad ni Ana.

READ MORE:  Vhong at Jose, mas bagay na gumanap bilang Mang Kepweng

Nabanggit pa niya na proud siya sa nangyayari sa career ngayon ni Barbie, na noong mas bata pa ay nakatrabaho na niya sa TV series ng GMA-7 na First Time noong 2010.

“Si Barbie kasi, nakatrabaho ko na siya dati pa e, aside roon sa Laut, naging anak ko na siya sa GMA 7 teleserye noong bago pa lang siya. So dahil nakita ko siya noong maliit pa and then ngayon, happy ako at proud ako sa kanya.

READ MORE:  Desiree and Boom, road to forever na!

“Kasi, parang baby-baby namin iyan, e. So, nag-grow siya as a person and as an actress, tapos ‘yun nga ‘di ba, dito sa Almost A Love Story, iyan ‘yung medyo parang pinaka-mature na role niya, hindi ba?

“Si Derrick naman as my son, nasorpresa ako, kasi first time ko siya naka-work and he’s very professional, may potential talaga siya and he give his character naman na tama ang timpla, suwabe lang…. Sabi ko nga kapag pinanood mo siya, siya ‘yung bago mong mamahalin, sa mga grupo ng girls, ‘yung character na ibinigay sa kanya roon, mai-inlove talaga sa kanya ang mga girls.

READ MORE:  Pinoy Boyband Superstar, magandang vehicle sa pagbabalik ni Aga

“Kaya ako mismo, kinikilig sa kanila noong nasa Italy kami at habang nagsu-shooting,” nakangiting saad ni Ana.

Dagdag niya, “Sure ako na kikiligin din ang moviegoers dito, ano siya e, feel good movie naman. And it’s a love story about ‘yung in a relationship and mayroon ding story na pang-family. Kumbaga, ‘di lang pangpakilig ito, pang-family din. Relationship of a mother and ng kanyang anak.”

Ang Almost A Love Story ay sa pakikipagtulungan ng Salento Cinema of Italy at GMA-7. Bukod kina Barbie, Derrick, at Ana, kasama rin sa pelikula sina at Lotlot de Leon at Matet De Leon.

ALAM MO NA!
ni Nonie Nicasio

COMMENTS

About Nonie Nicasio

Scroll To Top
 

Copyright hatawtabloid.com | All Rights Reserved