Friday , November 16 2018
Breaking News
You are here: Home / News / Kawalan ng license plates, COA ang sisihin
Kawalan ng license plates, COA ang sisihin

Kawalan ng license plates, COA ang sisihin

SINISI ang Commission on Audit (COA) sa nararanasang kawalan ng makabagong motor license plates matapos ‘upuan’ at hindi aksiyonan ang tatlong desisyon ng Korte Suprema na nagsabing legal at konstitusyonal ang motor vehicle licensing program ng Land Transportation Office (LTO).

Dahilan sa kawalan ng aksiyon ng COA, nababalam ang mahigit 10 milyong motorista na hanggang ngayon ay walang license plates.

Sa panayam kay Atty. Patrick Penachos, abogado ng JKG-Power plates, ang nanalong supplier sa programa, noon pang 14 Hunyo 2016, nag-isyu ng paborableng desisyon ang Korte Suprema na nagsabing legal at konstitusyonal ang programa.

READ MORE:  Top communist leaders timbog (Chairman, asawa arestado sa Cebu)

Sa desisyong isinulat ni Associate Justice Lucas Bersamin noong 14 Hunyo 2016, pinawalang bisa niya ang mga isyung bumalot sa kaso, kasama ang alegasyong hindi kasama sa 2014 National Budget na isinumite ng DoTC noon.

Sapat aniya ang pruweba na walang anomalyang ginawa ang DoTC sa pamumuno ni dating kalihim Joseph Abaya.

Nasasaad mismo sa mga dokumentong isinumite ng DoTC sa Korte Suprema na ang dagdag badyet sa programa ay legal at dumaan sa proseso ng lehislatura.

READ MORE:  Salvage victims natagpuan sa kyusi

Ayon sa court records, may alegasyong wala umanong isinumiteng badyet sa Kongreso ang programa at tanging P2.3 bilyon lamang ang nailaan para rito.

Ngunit sa isang liham na isinumite ni Abaya kay dating Budget secretary Butch Abad noong Setyembre 2013, humiling siya nang dagdag na alokasyong P2.4 bilyon bilang kompletong pampondo sa nasabing programa.

Hindi aniya maituturing na ilegal ang ginawang yaon ni Abaya sapagkat naisumite ang 2014 pambansang badyet bago ang implementasyon ng programa noong Pebrero 2015.

READ MORE:  Motorcade itinigil ni Lim para makinig sa hinaing ng Manilenyo

Sa pagtataya ng Korte Suprema, dumaan aniya sa konstitusyonal na pamamaraan ang badyet ng LTO-DoTC.

Sa kabila ng desisyon ng Korte Suprema, nananatiling tuod at hindi umaaksiyon ang COA.

Batay sa isinasaad ng Konstitusyon, anomang desisyong inisyu ng Kataas-taasang Hukuman ay bahagi na ng batas ng Filipinas, at anomang hindi pagsunod dito ay masasabing paglabag sa batas.

COMMENTS

About hataw tabloid

Scroll To Top
 

Copyright hatawtabloid.com | All Rights Reserved