Friday , March 29 2024
Bulabugin ni Jerry Yap
Bulabugin ni Jerry Yap

Boracay, nawawalang paraiso sa Malay, Aklan

PARANG lumulubog o naglalahong isla ang Boracay sa Malay, Aklan. Lumulubog dahil hindi na napanatili ang katangian nito bilang isang paraiso.

Kumbaga sa isang isla na may mina ng ginto, dati ang mga nagpupunta sa Boracay ay naliligo lang, naglulunoy sa dagat hanggang matuklasan ang mina ng ginto.

Pumingas ng kapirasong ginto. Pero nang ma-realize nilang malaking kuwarta pala iyon, muling bumalik at nag-isip kung paanong makadarambong nang mas malaking tipak ng ginto.

Hanggang umangkin na ng maliit na solar at lumaki nang lumaki at hanggang angkinin na ang isla at sila na ang nagbebenta ng mga solar.

Siyempre, ang batas dito, kung sino ang may mas malaking cash, sila ang magkakaroon ng malaking solar.

Hanggang isang araw, napagtanto na lang nila na ang islang dating pinagpapalahan nila ng malaking ginto ay isa na ngayong ‘pambansang kubeta.’

Kasi nga, sa laki ng kuwartang napapala nila rito, nakalimutan nilang alagaan, puro bulsa lang nila ang kanilang inalala – inabuso ang Boracay.

At nabunyag mismo ‘yan nang umamin ang konseho ng munisipyo na pinayagan nila ang P500-million casino project sa Boracay nang walang konsultasyon sa publiko bago pa nila ideklara ang moratorium sa proyekto ng higanteng casino operator, ang Galaxy Entertainment Group (GEG) at ang local partner nilang Leisure Resorts World Corp. (LRWC).

Ayon kay Malay Vice Mayor Abram Sualog, ipinasa ng municipal council ang resolusyon dahil mayroon na umanong mga casino sa isla na tumatanggap ng mga foreign passport holders gaya ng Chinese nationals.

Ang mga Chinese national ang marami at madalas ay kabilang sa junket.

Pero matapos nga ang nagngangalit na sermon ni Pangulong Rodrigo “Digong” Duterte at tinawag na ‘pambansang kubeta’ ang Boracay, hayan naglabas ng moratorium ang municipal council.

Dumagsa na rin ang protesta laban sa casino kabilang na ang pagtutol ng Catholic Church sa Aklan at ibang residente sa Boracay.

Heto pa ang malaking eskandalo, nabunyag ang Macau junket nina Aklan Gov. Florencio Miraflores at Malay Mayor Ciceron Cawaling sa Macau sa imbitasyon ng GEG.

Wattafak!

Wala na ba talagang delicadeza ang local officials ng Malay, Aklan?!

Ang retrato ng kanilang junket ay nakita sa post ng resort owner na si Leonard Tirol kasama sina Miraflores, Cawaling at dating Malay municipal councilor at ngayon ay broadcaster na si Jonathan Cabrera.

Ang ‘Boracay Group’ ayon sa caption ng retrato ay inimbitahan ng Galaxy Macau.

Heto ang nakapagtataka, kung dati na palang may mga casino sa Boracay na may mga kliyenteng dayuhan o foreign national, bakit hindi nag-iingay ang local government?!

Bakit bukod tanging, sa isyu ng Galaxy nag-iingay ang ‘komunidad’ at LGU officials at ang simbahan?!

Ano ang ‘lihim ng Guadalupe’ sa isyung ito?

Ngayon, nagtataka pa ba tayo kung bakit ang isla ng Boracay ay maituturing na paraisong lumulubog o naglalaho sa lalawigan ng Aklan?!

Paano natin sasagipin ang Boracay kung bawat ‘aksiyon’ at ‘malasakit’ ay tila ‘kontaminado’ na rin ng pansariling interes?

MAY TELEDRAMA BA
SA BORACAY ISSUE?

MUKHANG tuloy-tuloy na ang gagawing ‘pansamantalang’ pagsasara sa isla ng Boracay mula ngayon.

Marami na raw ang mga nagkansela ng booking sa mga hotel ganoon din ang pagbabawas ng flights sa Kalibo International Airport.

Matinding epekto ang daranasin ng pagbagsak ng turismo sa naturang lugar. Malaking kawalan din sa hanapbuhay ng mga mamamayan ng Malay, Aklan ang hindi inaasahang pagsasara nito.

Pero gaano kaya katotoo ang balitang umiikot ngayon na ‘teleserye’ lang daw ang ginawang issue tungkol sa waste management disposal ng isla?

Nakapagtataka kasi, sa kabila ng pagsasara nito ay tila minamadali naman ang pag-uumpisa ng konstruksiyon doon ng isang bigtime casino and resort na pagmamay-ari raw ng Galaxy Entertainment!?

Magkano ‘este anong dahilan at parang atat na atat na i-push nang husto ni Pagcor Chair Didi Domingo ang nasabing casino?

Wattafak!?

May hidden agenda pala, ganern?!

Sinasabing ang Barangay Manoc-Manoc na pagtatayuan ng nasabing casino ay lupa na kinatitirikan ng maraming taga-Boracay.

Imposible raw na hindi magkagulo sa lugar kung gagawing “drastic” ang pagpapalayas sa inhabitants ng lupang kinatitirikan ng mga bahay nila.

Sonabagan!

Mukhang hindi nga napag-usapan ang issue na ‘yan sa hearing ang mga senador at ilang gabinete ng pamahalaan noong nakaraang buwan?

Na-focus kasi ang hearing sa issue ng waste management kaya walang kaalam-alam ang mga non-government organizations ng Aklan na may niluluto pala ang ilang personalidad sa pamahalaan.

How about the local government of the area? Sila ba ay nagoyo o nakiisa rin sa ‘teledramang’ ito?!

Well, sila lang ang makasasagot niyan!

Ang tanong, may aamin ba naman?

Ang siste, muli na namang napaboran ang kapakanan ng dayuhang investors kaysa kapakanan ng lokal na mamamayan.

Isipin na lang na tanggalan mo ng kabuhayan ang libong tao na umaasa sa turismo sa nasabing lugar pagkatapos ay mayroon palang niluluto ang iilan?

Susmaryosep!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com

BULABUGIN
ni Jerry Yap

 

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *