Saturday , September 22 2018
Breaking News
You are here: Home / Showbiz / Ryza, bumawi sa Osaka Filmfest (‘di man tumabo sa takilya ang Mr. & Mrs. Cruz)
Ryza, bumawi sa Osaka Filmfest (‘di man tumabo sa takilya ang Mr. & Mrs. Cruz)

Ryza, bumawi sa Osaka Filmfest (‘di man tumabo sa takilya ang Mr. & Mrs. Cruz)

MAGKASUNOD na taong nakamit ng Filipina actresses ang Yakushi Pearl Award mula sa Osaka Film Festival noong 2017 at ngayong 2018.

Nakamit ni Iza Calzado ang nasabing award noong 2017 para sa pelikulang Bliss mula sa TBA Studios na idinirehe naman ni Jerold Tarrog.

At ngayong 2018 ay muling nasungkit ng Pinay aktres na si Ryza Cenon ang Yakushi Pearl Award para naman sa pelikulang Mr. & Mrs. Cruz produced ng Viva Films na idinirehe naman ni Sigrid Andrea Bernardo.

Kilalang-kilala na si direk Sigrid sa nasabing bansa dahil sa pelikulang Kita Kita na pinagbidahan ninaAlessandra de Rossi at Empoy Marquez na highest grossing indie film sa Pilipinas na produced ng Spring Films.

Going back to Ryza, nasulat namin dito sa Hataw kamakailan na topic siya ng kilalang broadsheet entertainment editor at movie producer cum director na huwag na siyang tumanggap ng kontrabida role kapag may pelikula siyang ipalalabas para hindi makaapekto sa box office.

Inamin din naman ng dalawang nag-uusap na mahina sa takilya ang pelikulang Mr. & Mrs. Cruz nina Ryza at JC Santos dahil nga nakaapekto ang pagiging kontrabida ng aktres sa serye nito sa GMA 7, isama pa ang pelikulangAng Manananggal kasama naman si Martin del Rosario.

Actually, Ateng Maricris ang daming supporters ni Ryza ang nag-react sa isinulat namin at ikinatwiran nila na hindi kasi masyadong nai-promote at hindi rin natulungan ng mismong network kung saan siya konektado.

Mukhang may kapalit naman ang lahat ng ito kay Ryza dahil sa pagkakapanalo niya sa Osaka Film Festival 2018.

Sana bigyan ng follow-up movie ng Viva Films si Ryza habang mainit-init pa ang award niya at nagtapos na rin ang serye niyang kontrabida siya.

Anyway, kasama ni Ryza sa nasabing festival ang boyfriend niyang si Cholo Barretto at  sina MTRCB Head Rachel Arenas, MTRCB board member Joey Romero, FDCP Head Liza Diño, at direk Bernardo. Naroon din ang lead actress ng The Good Son na si Eula Valdes at boyfriend nitong si Rocky Salumbides para sa pelikula nilang NeoManila na idinirehe ni Mikhail Red na nakakuha naman ng Most Promising Talent Award.

FACT SHEET
ni Reggee Bonoan

COMMENTS

About Reggee Bonoan

Scroll To Top
 

Copyright hatawtabloid.com | All Rights Reserved