AMINADO si Ysabel Ortega na kakaibang excitement ang kanyang nararamdaman sa bago niyang TV project sa Kapamilya Network. Ito’y pinamagatang Precious Hearts Romances Presents: Araw Gabi at tinatampukan nina JM de Guzman at Barbie Imperial. Bahagi rin ng casts sina Vina Morales, Rita Avila, Raymond Bagatsing, Ara Mina, Victor Silayan, at iba pa.
“Opo, I’m super excited for this new show po,” panimula ni Ysabel. Dagdag ng magandang young actress, “I’m so thankful po, this is my first main role na hindi po love triangle, hahaha! So, I’m ready for the challenge and change of character.”
Tinutukoy ni Ysabel ang mga nakalipas niyang TV series na On The Wings of Love nina James Reid & Nadine Lustre at Born For You na pinagbidahan nina Elmo Magalona at Janella Salvador. Sa naturang TV series kasi ay gumanap siyang third party sa mga tampok na love teams.
Saad ng alaga ni katotong Ogie Diaz, “It’s definitely something new for me, especially na Precious Hearts po ‘yung teleserye, and palagi po ako ready and nakaabang to try new things, and this role is a step up from my past characters, which is why I can’t wait na makita na po ng lahat ang ganda ng story po nito.”
Ano ang papel niya rito? “Ako po rito si Nica Marcelo… kasama ko po rito sina Ms. Vina Morales, sir Raymond Bagatsing, Ms. Ara Mina and many more amazing veteran actors.
“I’m looking forward to working with a powerhouse cast, along with kuya JM (de Guzman) who I have always admired because of his past work. I’m also working with Barbie (Imperial) who I was already friends with before this show, which is making everything very exciting for me kasi marami rin po akong mga kaibigan na makakatrabaho rito, besides Barbie,” saad ni Ysabel.
ALAM MO NA!
ni Nonie Nicasio