Monday , November 19 2018
Breaking News
You are here: Home / News / Tiyan ni misis biniyak saka tsinaptsap ni mister (Sanggol nais makita)

Tiyan ni misis biniyak saka tsinaptsap ni mister (Sanggol nais makita)

SA kagustuhan makita ang anak sa ina­kalang buntis na misis, biniyak ang ti­yan pero nang walang makitang sanggol ay tsinaptsap ng mister ang kanyang asawa sa Brgy. Holy Spirit, Quezon City, nitong Linggo.

Kinilala ni Quezon City Police District (QCPD) director, Chief Supt. Guillermo Lorenzo T. Eleazar, ang biktimang si Heidi Estrera, 46, head maintenance crew ng Sister of Mount Carmel Catholic School, at residente sa Blk. 4, Lot 7, Saint Michael St., Republic Avenue, Brgy. Holy Spirit, Quezon City.

READ MORE:  Koreano nahulog sa 23/F patay

Iniharap sa mga mamamahayag sa pulong balitaan kahapon ang arestadong mister na si Orlando Estrera, 43, maintenance crew rin sa Sister of Mount Carmel Catholic School.

Sa imbestigasyon ng Criminal Investigation and Detection Unit (CIDU), dakong 5:00 pm nang mangyari ang insidente sa bahay ng mag-asawa.

Nauna rito, narinig ng kapitbahay na nagtatalo ang mag-asawa hanggang nanahimik.

Pagkaraan, nakita ng ilang mga batang naglalaro sa harapan ng bahay ng mag-asawa ang suspek na isa-isang inilalabas ang mga bahagi ng katawan ng biktima.

READ MORE:  Gumahasa at pumatay sa baby sa ilalim ng jeep arestado

Agad ipinaalam ng  mga bata sa nakatatanda ang kanilang nakita kaya nakarating sa kaalaman ng barangay at pulisya.

Sa kanilang pagresponde, tumambad sa mga awtoridad ang putol-putol na katawan ni Heidi sa sala ng bahay habang ang mister ay agad dinakip. Hindi itinanggi ng mister ang ginawang pagkatay sa asawa.

Sa report ng Scene of the Crime Operatives (SOCO), hindi lang biniyak sa tiyan ang babae kundi biniyak din sa ulo, tinanggalan ng utak, binalatan ang mukha, tinapyasan ng dibdib, at pinutulan ng magkabilang mga kamay at paa.

READ MORE:  FVR kay Digong: Magkaisa tayo!

Ayon sa suspek, nagawa niyang biyakin ang tiyan ng biktima sa pag-aakalang nagdadalantao ang kanyang misis.

Nais niyang makita sa loob ng tiyan ng kanyang misis ang kanilang magiging-anak ngunit nabigo siya kaya tsinaptsap ang ginang.

Dahil sa mga pahayag ng suspek, sinabi ni Eleazar na isasailalim sa psychiatric test ang lalaki para malaman kung may diperensiya sa pag-iisip.

Inihahanda na rin ang pagsasampa ng kasong parricide laban sa suspek.

ni ALMAR DANGUILAN

COMMENTS

About Almar Danguilan

Scroll To Top
 

Copyright hatawtabloid.com | All Rights Reserved