Sunday , September 23 2018
Breaking News
You are here: Home / Showbiz / Mona at Lisa, nagkita na
Mona at Lisa, nagkita na

Mona at Lisa, nagkita na

FINALLY, nagkita na ang magkamukhang sina Mona at Lisa (Jodi Sta. Maria) sa seryeng Sana Dalawa Ang Puso nitong Biyernes.

Sa paghahanap ng solusyon ni Lisa para atrasan ang kasunduang kasal nila ni Martin (Richard Yap) ay nakipagkita siya kay Donnie Pamintuan (Victor Silayan), isa ring negosyante na makatutulong sa kanilang kompanyang LGC, sa Club Manila E.

Hindi naman niya inasahang sa pag-alis niya sa nasabing club ay bigla na lang bubulaga ang hilong-hilong si Mona na tinatakasan naman si Mr. Chua (William Lorenzo), ang boss ng pinagkaka-utangan niyang si Mr. Supapi (Leo Martinez).

At kahit na may inilagay na pampahilo si Mr. Chua sa inumin ni Mona ay nagawa nitong tumakas at sumakto na nakita siya ni Lisa at kaagad na itinakbo sa ospital.

Sobrang nagpasalamat si Mona kay Lisa kaya nagsabi siya na anuman ang puwede nitong gawin para makabayad siya sa magandang ginawa sa kanya ng kamukha at hinilingang magpanggap na siya ang fiancée ni Martin (Richard).

Abangan ngayong umaga bago mag-It’s Showtime kung tinanggap na ni Mona ang hiling ni Lisa.

Para sa nakaraang episodes ng programa, mag-log on lamang sa iWant TV o sa skyondemand.com.ph para sa Sky subscribers. Para sa karagdagang updates, i-follow ang @starcreatives sa Facebook, Twitter, at Instagram.

FACT SHEET
ni Reggee Bonoan

COMMENTS

About Reggee Bonoan

Scroll To Top
 

Copyright hatawtabloid.com | All Rights Reserved