Saturday , September 22 2018
Breaking News
You are here: Home / News / Sa bunkhouse na nag-collapse; Contractor lumabag sa safety standards — DoLE
Sa bunkhouse na nag-collapse; Contractor lumabag sa safety standards — DoLE

Sa bunkhouse na nag-collapse; Contractor lumabag sa safety standards — DoLE

CEBU CITY – Ang employer ng mga construction worker na namatay sa pagguho ng bunkhouse sa lungsod nitong Martes, ay lumabag sa safety and health standards, ayon sa imbestigasyon ng Department of Labor and Employment (DOLE).

Umabot sa lima katao ang namatay habang maraming iba pa ang nasugatan makara­an gumuho ang 5-story bunkhouse sa Archbishop Reyes Avenue.

Ang J.E. Abraham Lee Construction and Development Inc., ay lumabag sa ilang probisyon ng general labor and occupational safety and health standards, ayon sa resulta ng imbestigasyon ng labor department’s arm sa Central Visayas.

Sinabi ng labor department, ang construction firm ay walang accredited safety practitioner, DOLE-approved construction safety and health program, structural analysis ng temporary structure, at suitable living accommodation para sa kanilang mga mangggawa.

Nabatid din ng labor inspectors na ang ilan sa mga construction worker ay hindi binabayaran ang overtime work at night shift differential.

Bukod pa ito sa underpayment sa anim construction workers.

Sinabi ni DOLE Central Visayas officer-in-charge Cyril Ticao, ang inilabas na findings ay preliminary pa lamang dahil hindi pa nakakausap ng ahensiya ang iba pang mga construction worker.

Kinausap na si Abraham Lee, presidente ng construction firm, ng labor officials nitong Mi­yer­koles, ngunit tumangging magbigay ng pahayag hinggil sa insidente.

COMMENTS

About hataw tabloid

Scroll To Top
 

Copyright hatawtabloid.com | All Rights Reserved