Friday , March 29 2024

8 senador ginagapang sa impeach Sereno

“NUMBERS game” ang iiral sa Senado bilang impeachment court kaya’t ngayon pa lang ay ginagapang na umano ng oposisyon ang walong senador na tutuldok sa pagtatangkang patalsikin si Chief Justice Maria Lourdes Sereno.

Ayon sa source sa intelligence community, abala ang “Times St.” sa pakikipagpulong sa mga mambabatas na may layuning himukin silang bumoto laban sa impeachment kay Sereno.

Kailangan ng 2/3 ng 23 senador o 15 ang masungkit na boto ni Sereno para biguin ang pagpapatalsik sa kanya bilang Punong Mahistrado.

Anang source, sa ngayon ay pitong senador pa lang ang tiyak na nasa panig ni Sereno, ito’y sina Senators Franklin Drilon, Risa Hontiveros, Bam Aquino, Francis Pangilinan, Antonio Trillanes IV, at Leila de Lima.

Dagdag ng source, nagluluto umano ng “constitutional crisis scenario” ang oposisyon, lalo na’t may isinusulong na quo warranto petition laban kay Sereno sa Korte Suprema si Solicitor General Jose Calida.

Pinaghahandaan u­ma­no ng oposisyon ang tsansang paboran ng Supreme Court en banc ang petisyon ni Calida kaya’t kailangang magtagumpay sila sa pagbigo sa impeachment kay Sereno sa Senado.

“Sakaling magkaiba ang desisyon ng SC at Senado, tiyak na malilito ang Malacañang kung kaninong desisyon ang ipatutupad na maaaring magbigay daan sa constitutional crisis, banggaan ng sangay ng ehekutibo, lehislatura at hudikatura. Ang ganitong senaryo ay magpapaguho sa gobyerno na maaaring humantong sa kaguluhan,” anang source.

Sa press briefing kahapon, tiniyak ni Presidential Spokesman Harry Roque, hindi uubra kay Pangulong Rodrigo Duterte ang “consti crisis scenario.”

“Hindi po papayagan ni Presidente na magkaroon ng constitutional crisis. Magtiwala po kayo sa Presidente na pinagtitiwalaan ng pinakamataas na numero ng mga Filipino sa nakalipas na dala­wampu’t walong taon,” ani Roque.

(ROSE NOVENARIO)

About Rose Novenario

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *