Tuesday , September 25 2018
Breaking News
You are here: Home / Showbiz / Sylvia, lumipad agad ng Agusan para sa kaarawan ng ina  
Sylvia, lumipad agad ng Agusan para sa kaarawan ng ina  

Sylvia, lumipad agad ng Agusan para sa kaarawan ng ina  

SIMPLE lang ang gusto niya sa birthday n’ya,mass and lunch lang, kaya mama ayan, wish granted love you inahan. Malipayong adlawng natawhan inuman na, iinom ako #family #happiness #blessed #treasures #grateful #priceless #thankuLORD,” ito ang post ni Sylvia Sanchez nang sorpresahin niya ang Mama Roselyn Camponiya sa Nasipit, Agusan del Norte nitong Sabado ng madaling araw.

Pagkatapos ng Hanggang Saan taping ni Ibyang ng 2:00 a.m. ay dumiretso na kaagad siya ng airport patungong Nasipit na muntik pang maiwan ng flight.

Hangga’t kaya ng schedule ng aktres ay dinadalaw niya ang nanay niya.

READ MORE:  Barcelona: A Love Untold ng Kathniel patok ang official teaser at trending

“Hindi puwedeng hindi ko makita ang nanay ko sa espesyal na araw niya dahil kung hindi dahil sa kanya, eh, wala ako,” katwiran ng aktres.

Ipinagpatayo ni Ibyang ang mama niya ng sariling grocery nito sa bahay nila para may mapaglibangan dahil ayaw namang manirahan sa Maynila dahil naiinip.

Nasanay kasi sa buhay probinsiya si Mama Roselyn bukod pa na kasama rin niya ang mga anak, pamangkin, at mga apo sa Nasipit.

At laging panalangin ni Ibyang na manatiling malakas, walang sakit, at  ligtas sa anumang kapahamakan ang nanay niya lalo’t wala siya parati sa tabi nito.

READ MORE:  Janine, aminadong ‘di pa financially stable sa Tate

Ang bunsong anak na si Xavi at mga kaibigan ang kasama ni Sylvia na pumunta ng Nasipit dahil ang mga anak na sina Arjo at Ria ay may trabaho samantalang si Gela ay may lakad sa eskuwelahan.

Linggo ng umaga ay bumalik naman kaagad ng Maynila si Sylvia para  sa family day nila ng pamilya.

Samantala, base sa umeereng episode ng Hanggang Saan ay nagkabaliktad na ng puwesto sina Sonya (Sylvia) at Jacob (Ariel Rivera) dahil ang huli na ang nakakulong dahil sa kasong pagpatay kay Edward Lamoste (Eric Quizon) at sa pagbagsak ng Educare.

READ MORE:  PacMan, James Yap, at Teng bros., mag-bubukas ng 2014 Palarong Pambansa (Laguna, nanalo sa bidding dahil sa modernong sports facilities)

Ano kaya ang magiging reaksiyon ni Jacob (Ariel) kapag nalaman niyang ang asawang si Jean (Teresa Loyzaga) ang nagsuplong sa kanya para hindi sila matuloy umalis ng bansa at nakipagsabwatan siya kina Anna (Sue Ramirez), Paco (Arjo Atayde), at Sonya (Ibyang).

Kaya huwag bibitiw sa Hanggang Saan pagkatapos ng Asintado sa ABS-CBN.

FACT SHEET
ni Reggee Bonoan

 

COMMENTS

About Reggee Bonoan

Scroll To Top
 

Copyright hatawtabloid.com | All Rights Reserved