Thursday , October 9 2025
Erwin Erfe Acosta PAO PNoy Roque
Erwin Erfe Acosta PAO PNoy Roque

PAO forensic expert ‘di aawatin ng Palasyo (Sa Dengvaxia probe)

HINDI aawatin ng Palasyo ang pag-iimbestiga ng Public Attorney’s Office (PAO) forensic expert sa mga labi ng mga paslit na naturukan ng Deng­vaxia.

Sinabi ni Presidential Spokesman Harry Roque, hahayaan ng Malacañang na ipagpatuloy ni Dr. Erwin Erfe, PAO forensic expert, ang pagsisiyasat sa mga bangkay ng mga batang tinurukan ng Dengvaxia.

Paliwanag ni Roque, ang Department of Justice (DOJ) at National Bureau of Investigation (NBI) ang magpapasya kung sino ang ihaharap na eksperto sa hukuman kapag dininig ang mga kaukulang kasong isasampa laban sa mga responsable sa pagpayag na ilarga ang anti-dengue vaccine sa kabila ng panganib sa mga hindi pa nagkakaroon ng dengue.

“Sasabihin ko lang po ang naging desisyon ng ating Secretary of Justice ‘no – tuloy po ang imbestigasyon ng PAO. Kung si Dr. Erfe po ay kasapi sa imbestigasyon ng PAO, so be it! Pero sinabi rin po ni Secretary Vit Aguirre na iba iyong mga expert witnesses na ipipresenta sa hukuman, kasi kinakailangan mayroon silang kuwalipikasyon bilang experts. So ang sagot ko po riyan, as part of the PAO examination, Dr. Erfe can continue but it is ultimately the National Bureau of Investigation and the Department of Justice’ National Prosecution Service who will determine kung sino’ng ipi-presenta nilang expert witness,” ani Roque.

Umabot sa 30 labi ng mga batang naturukan ng Dengvaxia ang sinuri ni Erfe bunsod ng kahilingan ng mga magulang nila.

Sa kanyang pagharap sa pagdinig sa Mababang Kapulungan kaugnay sa Dengvaxia, pinarunggitan ni dating Pangulong Benigno Aquino III si Erfe bilang hindi eksperto at nagtapos lang sa “Recto University.”

Taliwas sa patutsada ni Aquino, batay sa website ng PAO, si Erfe ay nagtapos sa prestihiyosong College of Medicine ng Pamantasan ng Lungsod ng Maynila (PLM), Certified Forensic Physician [CFP], United States of America; Fellow, American College of Forensic Examiners Inst. [ACFEI]; Diplomate, American Board of Forensic Medicine [ABFM]; Diplomate, American Board of Forensic Examiners [ABFE), at isang abogado.

ni ROSE NOVENARIO

Krystall Herbal Products and FGO Branches

About Rose Novenario

Check Also

Goitia BBM

Paninindigan ni Marcos laban sa korupsiyon pag-asa ng bayan — Goitia

PINURI ni Chairman Emeritus Dr. Jose Antonio Goitia si Pangulong Ferdinand “Bongbong” Marcos Jr., sa …

PUV stops Marikina DOTr

2 PUV stops itinayo sa Marikina ng DOTr

BINUKSAN na para sa publiko ang dalawang public utility vehicle (PUV) stops sa Barangay Concepcion …

BUWIS-BUHAY NA TAWID-ILOG PATUNGONG PAARALAN SA ANTIPOLO

Panganib sa mga magulang at mag-aaral:
BUWIS-BUHAY NA TAWID-ILOG PATUNGONG PAARALAN SA ANTIPOLO

ni TEDDY BRUL PATULOY na nalalagay sa panganib ang kalusugan at kaligtasan ng mga magulang …

SM Cinema Pulilan LGU senior citizens

SM Cinema nakipagkasundo ng pakikipagtulungan sa Pulilan LGU, nag-alok ng libreng movie screening sa mga senior citizens

Sa oras para sa pagdiriwang ng Elderly Filipino Week, nakipagkasundo ang SM Cinema ng pakikipagtulungan …

Quezon City QC

4 proyekto ng QC-LGU na nakuha ng Discaya companies winakasan na

TINULDUKAN na ng Quezon City local government unit (QC LGU) ang apat na proyekto na …