Wednesday , November 14 2018
Breaking News
You are here: Home / News / PNoy, Sanofi swak sa civil, criminal liabilities (Paslit ginamit na guinea pigs?)
PNoy, Sanofi swak sa civil, criminal liabilities (Paslit ginamit na guinea pigs?)

PNoy, Sanofi swak sa civil, criminal liabilities (Paslit ginamit na guinea pigs?)

TINIYAK ng Palasyo na haharap sa mga kasong sibil at kriminal si dating Pangulong Benigno Aquino III at mga opisyal ng kanyang administrasyon at ang kompanyang Sanofi kapag napatunayan na alam nilang mapanganib ang Dengvaxia ngunit ipinaturok pa rin sa mga batang estudyante.

Ayon kay Presidential Spokesman Harry Roque, inaasahan ng Palasyo, sa pagharap ni Aquino sa Congressional probe sa Dengvaxia, malalaman ng taongbayan ang dahilan kung bakit tila minadali ang pagbili ng nakaraang administrasyon sa bakuna.

Nais din aniyang malaman ng publiko mula kay PNoy kung batid niya na may masamang epekto ang Dengvaxia ngunit pinayagan pa rin niyang bilhin ng Department of Health.

READ MORE:  Martial law tatalakayin sa Kamara

“Ang nais malaman ng taongbayan ay bakit nga napakabilis ng proseso ng pagbili, parang araw lang ang binilang at talagang nabili na iyan; at pangalawa is, ano ba talaga, alam ba nila talaga na magkakaroon ng masamang epekto iyong Dengvaxia para roon sa mga hindi pa nagkakaroon ng dengue dahil iyon naman po talaga ultimately ang isyu ngayon. Dahil kung alam na ng Sanofi at ng gobyerno ng mga panahon na iyon ay talagang magkakaroon sila ng hindi lang civil liability kung hindi criminal liability,” ani Roque.

READ MORE:  No evidence vs Dengvaxia (Sa pagkamatay ng mga bata ) — PAO

Para sa Palasyo, ang paglalabas ng professional opinions hinggil sa Dengvaxia ay bahagi ng umiiral na demokrasya sa bansa at nakasalalay aniya sa hukuman kung may kuwalipikasyon ang isang indibiduwal sa paghahayag ng kanyang “expert opinions.”

“It’s a free country. Of course, individuals can come up with professional opinions. But that professional opinion, of course, the weight of that opinion will depend on whether or not they have the qualification to make expert opinions according to the revised rules of court,” ani Roque.

READ MORE:  86-anyos chinese architect kinatay ng akyat-bahay

Binatikos ni Aquino ang aniya’y pag-iingay ng isang tao na ang hawak na sertipikasyon ay mataas lang nang konti sa “diplomas for sale” sa Recto, na ang tinutukoy ay si Public Attorney’s Office (PAO) forensics head Erwin Erfe, ang sumuri sa mga labi ng mahigit 20 bata na namatay makaraan maturukan ng Dengvaxia.

(ROSE NOVENARIO)

COMMENTS

About Rose Novenario

Scroll To Top
 

Copyright hatawtabloid.com | All Rights Reserved