Wednesday , November 21 2018
Breaking News
You are here: Home / Hataw Lifestyle / Maynilad nagtanim ng 130,000 puno noong 2017 (Sa “Plant for Life” program)
Maynilad nagtanim ng 130,000 puno noong 2017 (Sa “Plant for Life” program)

Maynilad nagtanim ng 130,000 puno noong 2017 (Sa “Plant for Life” program)

NAGTANIM ang West Zone concessionaire Maynilad Water Services, Inc. (Maynilad) ng kabuuang 130,000 punongkahoy noong 2017 bilang bahagi ng kanilang “Plant for Life” program, naglalayong sagipin ang mahalagang watersheds mula sa pagkasira.

Isinagawa rin bilang suporta sa “Annual Million Tree Challenge” ng Metropolitan Waterworks and Sewerage System, ang “Plant for Life” program ay kaugnay sa paghihikayat ng mga volunteer para sa pagsasagawa ng reforestation at afforestation o pagtatanim ng mga puno at halaman, upang maibalik sa dati ang nasirang kagubatan.

READ MORE:  Kuting permanenteng malungkot

Noon lamang 2017, mahigit 1,463 volunteers mula sa Maynila at partner organizations ang nagtanim ng kabuuang 116,000 indigenous trees sa Ipo Watershed sa Bulacan; 2,000 saplings sa Muntinlupa; at 12,000 mangrove propagules sa Manila Bay coastline sa Cavite Province.

“Our ‘Plant for Life’ Program seeks to protect forest cover so that the watersheds, which sustain our water supply needs, will stay healthy and balanced. This year, we’re looking into expanding the program’s coverage to other areas, particularly in Malabon City where we target to plant about 50,000 mangrove propagules,” pahayag ni Maynilad President and CEO Ramoncito S. Fernandez.

READ MORE:  Ang Zodiac Mo (June 09, 2015)

Magmula nang simulan ang nasabing programa noong 2007, ang Maynila ay nakapagtanim nang mahigit 436,000 saplings — gamit ang indigenous trees katulad ng narra, cupang, camachile, at acacia — sa Ipo Watershed. Gayondin, kabuuang 107,500 mangrove propagules ang itinanim sa Cavite coastal areas simula noong 2013.

READ MORE:  Suplay ng tubig lilimitahan (Sa Metro Manila, Bulacan, Cavite)

Ang “Plant for Life” program ng Maynila ay bukas sa mga volunteer na nagnanais magtanim ng mga puno sa nasabing watershed areas. Ang mga interesado ay maaaring tumawag sa Environmental Management Department ng kompanya sa 981-3484 para magtanong hinggil sa itinakdang mga petsa at mga kailangan.

COMMENTS

About hataw tabloid

Scroll To Top
 

Copyright hatawtabloid.com | All Rights Reserved