Friday , September 21 2018
Breaking News
You are here: Home / Opinion / Gov’t officials na nagpabaya sa OFWs panagutin
Gov’t officials na nagpabaya sa OFWs panagutin

Gov’t officials na nagpabaya sa OFWs panagutin

MATINDI pa rin ang isyung bumabalot sa mga overseas Filipino workers (OFWs) na naabuso sa ibang bansa, gaya na lang nang nangyari kay Joanna Demafelis, ang OFW na itinago sa freezer nang isang taon ng kanyang mga employer, at itong kay Josie Perez Lloren,  na umuwing may sakit at makalipas ang ilang araw ay namatay.

Lagi ang bintang o paninisi ay sa mga employer na umabuso sa kanila. Kung minsan naisasali rin ang mga recruiter na silang naging tulay para makaalis sa bansa ang mga OFW, at makaranas nang pang-aabuso. Ang isang hindi nakikita madalas ay kung may pagkukulang din ba ang mga opisyal ng ating pamahalaan na nasa ibang bansa na sila dapat ang nangangalaga ng kapakanan ng ating OFWs.

Maraming kuwento tayong naririnig tungkol sa mga pagpapabaya mismo ng mga opisyal at empleyado sa mga embahada, consular offices, at iba pang tanggapan ng pamahalaan na may kinalaman sa OFWs, pero parang wala tayong masyadong na­ririnig na balita kung nadidisiplina ba sila o napaparusahan.

Tama ang panawagan ng ilang grupo na dapat ay imbestigahan din ang mga opisyal ng embahada o konsulado at  iba pang ahensiya ng pamahalaan na may kaugnayan sa OFWs, na nagpabaya sa kanilang mga trabaho. Kung tapat bang ginagawa ang kanilang trabaho at tunay na nagmamalasakit sa mga tinatawag na bagong bayani, mangyayari ba ang mga nangyari kay Demafelis at Lloren?

Bukod sa total deployment ban na inisyu ni Pangulong Rodrigo “Digong” Duterte sa Kuwait, kaya rin kaya niyang disiplinahin o parusahan ang mga opisyal na nagpabaya sa mga OFW? Gov’t officials na nagpabaya sa OFWs panagutin

COMMENTS

About hataw tabloid

Scroll To Top
 

Copyright hatawtabloid.com | All Rights Reserved