Thursday , September 20 2018
Breaking News
You are here: Home / News / Doktor ‘utak’ sa ambush sa abogado
Doktor ‘utak’ sa ambush sa abogado

Doktor ‘utak’ sa ambush sa abogado

MASUSING iniimbestigahan ang isang doktor bilang utak sa ambush sa isang abogado sa Quezon City kamakailan, na napatay ang isang suspek na pulis, ayon sa isang opisyal nitong Miyerkoles.

Ayon sa ulat, hinawakan ni Atty. Arjel Cabatbat, ang target sa ambush, ang isang kaso na nagresulta sa pagkasibak sa trabaho ng naturang doktor, ayon kay Chief Supt. Guillermo Eleazar, hepe ng Quezon City Police District.

READ MORE:  2 tulak arestado sa P1.2-M shabu

“Mayroon silang (Cabatbat) isang kasamahan na napatay na rin na ang kanilang pinaghihinalaan ay iyong same doctor na napatanggal niya sa trabaho,” aniya.

“Sa ngayon po, iyon ang ating pina-pursue na lead, unless magkaroon tayo ng iba pang development o impormasyon na puwedeng magbigay sa atin ng ibang motibo,” dagdag ng opisyal.

READ MORE:  Lawyer ligtas sa ambush (Pulis na suspek todas)

Magugunitang  tatlong lalaking nakamotorsiklo ang nanambang sa SUV ni Cabatbat sa EDSA nitong Martes ng madaling-araw.

Napatay ang isa sa mga suspek na si PO1 Mark Boquela Ayeras makaraan mawalan ng balanse at masagasaan ng SUV.

Habang nahuli ang kasamahan niyang si John Paul Napoles at nakatakas ang isa pa nilang kasabwat na pinaniniwalaang nasugatan.

READ MORE:  Rico Blanco, bar owner, 4 pa inasunto sa droga

Samantala, hindi nasaktan ang abogado sa nasabing insidente.

Kaugnay nito, kinompirma ng QCPD na  AWOL o absent without leave ang napatay na pulis.

Tumangging magbigay ng pahayag ang arestadong si Napoles, ayon kay Eleazar.

COMMENTS

About hataw tabloid

Scroll To Top
 

Copyright hatawtabloid.com | All Rights Reserved