Friday , March 29 2024

La Luna Sangre, 3 linggo na lang

NAKALULUNGKOT, tatlong linggo na lang pala eere ang La Luna Sangre, parang ang bilis-bilis naman yatang matapos ng fantaseryeng ito? Hindi namin naramdaman na umabot na pala ng nine months?

Kasi naman ngayon lang nag-iinit na sina Tristan (Daniel Padilla) at Malia (Kathryn Bernardo) bilang bampira at lobo na parehong mahal nila ang isa’t isa.

Base sa umeereng kuwento ay hindi masama si Tristan (Daniel) dahil kinakalaban niya ang kuya Sandrino (Richard Gutierrez) niya na gustong patayin ang lahat ng tao para silang mga bampira lang ang maghari sa bansa.

Kaya ang inaabangang mangyayari ay kung paano maglalaban sina Sandrino at Tristan dahil nalaman ng una na inilalaglag siya dahil sa daldalerang si Denise Laurel bilang itim na lobo na gusto ring magreyna-reynahan kaso hindi siya umubra kay Malia bilang Punong Bantay.

Nakahihinayang na namatay na rin si Garrie Concepcion na isa sa matapat na kakampi ni Malia dahil sa ka-trayduran ni Denise. Masaya kami sa anak ni Grace Ibuna kay Gabby Concepcion dahil nagsimula siya sa ibaba na noong una ay wala siyang linya sa LLS hanggang sa napansin na rin siya at binigyan na ng mahahabang dayalog at exposures.

Gusto namin ang dalagang ito dahil napakabait at napaka-humble, sana bigyan ulit siya ng project ng Star Creatives dahil mahusay makisama at natutuhan din niya ang tamang pag-arte.

Going back to Tristan at Malia, curious ang lahat kung paano sila magkaka-ayos sa huli o magkakatulungan ba silang kalabanin si Sandrino o isa sa kanila ang mamamatay tulad ng nangyari sa lolo’lola ng dalagang sina Lyka (Angel Locsin) at Noah (Piolo Pascual) sa Lobo at magulang na sina Lia (Angel) at Mateo (John Lloyd Cruz) sa Imortal.

FACT SHEET
ni Reggee Bonoan

About Reggee Bonoan

Check Also

Moira dela Torre

Moira inaming naging bulimic sa loob ng 2 taon

RATED Rni Rommel Gonzales MAY mensahe si Moira dela Torre para sa mga taong kasalukuyang nagdurusa dahil …

Mikee Quintos Paul Salas

Paul mag-ilaw kayang muli kasama si Mikee sa Good Friday procession?  

I-FLEXni Jun Nardo MADALAS naming nakikita at nakaka-chikahan si Mikee Quintos tuwing Biyernes Santo. Eh kahit nakatira …

DingDong Dantes Marian Rivera Zia Sixto

Marian excited sa biyahe ng kanilang pamilya 

I-FLEXni Jun Nardo KOMPLETO na ang pamilya Dantes (Dong, Marian, Zia, at Sixto) na biyahe nila sa ibang bansa …

blind item

Magsyotang lesbiyanang sexy model at GF wasak planong utuin ang DOM

ni Ed de Leon NATAUHAN ang sexy female model na akala ay totoong baliw na baliw sa …

Tom Rodriguez Carla Abellana

Carla wa ker umibig mang muli si Tom

HATAWANni Ed de Leon AYAW daw magbigay ng ano mang reaksiyon si Carla Abellana sa sinasabi ng …

Leave a Reply

Your email address will not be published. Required fields are marked *