Panghahalay ng mga bading na photog, ‘di na bago

HINDI na bago iyang panghahalay ng mga photographer na bading sa mga male model.

Natatandaan nga namin ang kuwento ng isang sikat na actor, na minsang nag-pictorial siya sa isang kilalang photographer, nakita niyang may video camera roon mismo sa kanyang dressing room at doon sa CR na ipinagamit sa kanya.

Nagalit ang actor, gusto na niyang sapakin ang baklang photographer. Pero nagmaakawa iyon. Hindi na siya pinagbayad para sa mga pictorial. Hindi na rin siya ulit nagpakuha ng pictures sa photographer na iyon. Pero hanggang ngayon ay sikat pa rin ang photographer. Hindi lang namin alam kung ilan na ang nabiktima niya at nai-video niya ng walang kamalay-malay. (Ed de Leon)