Wednesday , September 19 2018
Breaking News
You are here: Home / News / 15-anyos Grave V pupil nagbaril sa sentido
15-anyos Grave V pupil nagbaril sa sentido

15-anyos Grave V pupil nagbaril sa sentido

PATAY nang matagpuan ang isang Grade V pupil sa kanyang kuwarto na hinihinalang nagbaril sa ulo sa Quezon City, kamakalawa ng gabi.

Kinilala ni Supt. Rodelio B. Marcelo, hepe ng Criminal Investigation and Detection Unit (CIDU) ng Quezon City Police District (QCPD), ang biktimang si  Louie Ramirez Cubay, 15-anyos.

Ayon sa ulat, nasa Grade 5 pa rin ang biktima dahil laging humihinto sa pag-aaral.

Siya ay natagpuang duguang nakahandusay sa loob ng kanyang kuwarto sa kanilang bahay sa 182 Unit N., Villa Angelina, Catleya St., Maligaya Park, Brgy. Pasong Putik, Quezon City, at may tama ng bala ng cal. 9mm sa kanang sentido.

Batay sa pahayag ni Donnel Dugan, stepfather ng biktima, dakong 5:00 am kahapon nang duma-ting sila sa kanilang bahay ni Geralan, ina ni Cubay, mula sa trabaho.

Nakagawian ng ina na bago matulog ay pinupuntahan si Louie para matiyak kung nandoon ang anak sa kuwarto.

Ngunit pagbukas  ni Geralan sa pintuan ng kuwarto, tumambad sa kanya ang duguang anak at wala nang buhay.

Agad ipinagbigay-alam ng stepfather ang insidente sa barangay.

Masusing iniimbestigahan ng pulisya kung may nangyaring foul play sa insidente dahil walang natagpuang suicide note mula sa biktima. (ALMAR DANGUILAN)

COMMENTS

About Almar Danguilan

Scroll To Top
 

Copyright hatawtabloid.com | All Rights Reserved