Thursday , March 28 2024

Bela, iimbitahin sina Angel at Neil sa premiere night ng movie nila ni Carlo na Meet Me in St. Gallen

SI Bela Padilla ay larawan ng isang babaeng alam ang kanyang priority sa buhay at alam kung saan siya dapat mag-focus. Sa presscon ng latest movie niya na Meet Me in St. Gallen, aminado ang aktres na masaya ngayon kahit walang love life.

“Masaya ako, masaya, kasi ang dami kong na-experience last year. Ang dami kong nagawang pelikula, nakatapos ako ng soap, tapos may ginawa kaming movie ni Direk Joyce, na pinayagan ni-yang script ko iyong gamitin.

“Parang ang dami kong blessings, para maging malungkot. Parang sobra naman kung lulungkutin ko pa iyong buhay ko,” anang aktres.

Paano ka nakapag-move-on, ano ang ginawa mo? “Wala e, parang… nag-break naman kasi kami last year, okay na ako e, ‘yun naman ang lagi kong sinasabi.”

Parang unusual sa mga mag-ex na maging okay na nag-break? Pakli niya, “Sana lahat nang nag-break ay ganoon. Pero siyempre, lahat tayo ay may kanya-kanyang proseso. Nagpapasalamat na lang ako na maganda iyong napagdaanan namin,” saad niya patungkol sa kanila ng ex niyang si Neil Arce.

Dahil balitang sina Neil at Angel Locsin na ngayon, ano ang reaction niya na parang pinagsasabong sila ni Angel sa social media?

“Parang wala naman pong nagpapasabong, wala naman po akong nababasa,” saad niya.

Dagdag ni Bela, “Hindi ko na po sinisilip kapag hindi ko account, kasi parang ang dami ko na pong ginagawa para usisain ko pa ang mga accounts nila. Pero wala, wala akong nararamdaman na galit or any negative thing. In fact, balak ko pa silang dalawang yayain sa premiere night namin. Kasi gusto ko rin na mapanood nila, e. Kasi kaibigan naman namin silang lahat e, lahat kami… one group.”

Mapapanood sina Bela at Carlo Aquino sa Meet Me in St. Gallen ni Direk Irene Villamor na ipalalabas sa February 7. Ito ay isang romantic-drama movie mula sa Viva Films at Spring Films nina Piolo Pascual at Direk Joyce Bernal.

Ano naman ang masasabi ni Carlo kay Bela bilang leading lady sa pelikulang ito. Tugon ng actor, “Well, masarap katrabaho si Bela, kasi katulad nga ng sinasabi ko na mapagbigay siya sa mga eksena. Tinutulungan niya ako, kahit na iyong shots na hindi nga siya kasama, talagang nandoon siya para sa akin, umaalalay. Kasi alam din niya na medyo nape-pressure rin ako dahil sa movie, kaya tinutulu-ngan niya talaga ako.”

Aminado nga si Carlo na may nararamdamang pressure sa movie dahil bukod sa ang gumawa nito ay ang team ng Kita Kita na kumita nang husto, naninibago pa siya sa pagiging leading man sa isang mainstream movie.

“Ine-enjoy ko lang ‘yung bawat nangyayari, iyong pro-seso ng paggawa namin (ng pelikula) ine-enjoy ko lang iyon lahat. Kahit may pressure akong dinadala, tinulungan naman ako nina Direk, nina Bb. Joyce Bernal. Talagang nag-reading kami ng ilang beses, tapos iyong costumes fitting, nakakatulong e, para maging at ease ako, so iyon,” wika ni Carlo.

ALAM MO NA!
ni Nonie Nicasio

About Nonie Nicasio

Check Also

Moira dela Torre

Moira inaming naging bulimic sa loob ng 2 taon

RATED Rni Rommel Gonzales MAY mensahe si Moira dela Torre para sa mga taong kasalukuyang nagdurusa dahil …

Mikee Quintos Paul Salas

Paul mag-ilaw kayang muli kasama si Mikee sa Good Friday procession?  

I-FLEXni Jun Nardo MADALAS naming nakikita at nakaka-chikahan si Mikee Quintos tuwing Biyernes Santo. Eh kahit nakatira …

DingDong Dantes Marian Rivera Zia Sixto

Marian excited sa biyahe ng kanilang pamilya 

I-FLEXni Jun Nardo KOMPLETO na ang pamilya Dantes (Dong, Marian, Zia, at Sixto) na biyahe nila sa ibang bansa …

blind item

Magsyotang lesbiyanang sexy model at GF wasak planong utuin ang DOM

ni Ed de Leon NATAUHAN ang sexy female model na akala ay totoong baliw na baliw sa …

Tom Rodriguez Carla Abellana

Carla wa ker umibig mang muli si Tom

HATAWANni Ed de Leon AYAW daw magbigay ng ano mang reaksiyon si Carla Abellana sa sinasabi ng …

Leave a Reply

Your email address will not be published. Required fields are marked *