Wednesday , November 21 2018
Breaking News
You are here: Home / Showbiz / Suka ni Ryza Cenon,kinain na parang kanin
Suka ni Ryza Cenon,kinain na parang kanin

Suka ni Ryza Cenon,kinain na parang kanin

HINDI namin mawari kung ano ang magiging reaksiyon nang kainin ni Ryza Cenon ang suka niya dahil grabeng nalasing nang mag-inuman sila ni JC Santos.

Animo’y kanin na dinakot iyon ni Ryza para muling isubo. Nakaka-iww at nakahahanga na walang keber na ginawa iyon ng aktres.

Isa ito sa tagpong mapapanood sa kasalukuyang handog ng Viva Films at The IdeaFirst Company, ang Mr & Mrs Cruz na ukol sa dalawang indibidwal na nagkita at nagkasama sa isang bakasyon sa Palawan. Parehong bigo sa pag-ibig, ang isa ay nang-iwan at ang isa’y iniwan.

READ MORE:  Music, naunang minahal ni JC

Ang Mr & Mrs Cruz ay idinirehe ni Sigrid Andrea Bernardo na tulad ng Kita Kita na pinagbidahan nina Alessandra de Rossi at Empoy, dalawa rin ang tauhan. Porte na talaga ni Direk Sigrid na dalawa lang ang tauhan sa kanyang pelikula.

Ang isa pa sa naloka kami at dapat ay hindi kayo pumikit kapag pinanood ito ay nang ipasuot ni JC ang kanyang brief kay Ryza. Nag- ala-MacGyver si JC, pero opp’s ayaw  niyang itawag iyon sa kanya kundi nalaman niya iyon sa pamamagitan ni Google. Iyon ang nang gawin niyang bra ang kanyang brief dahil ‘di sinasadyang nasira ang suot-suot na pang-itaas ni Ryza.

READ MORE:  Ikaw Lamang, pinadapa ang 2 katapat na GMA show!

Lumabas namang cute at maganda ang brief-bra na aliw na aliw kami. Naitanong nga ng aming katabi kung isusuot namin ang brief ng isang hindi mo naman masyadong kilala kapag nangyari ang ganoon? Well, tingnan na lang natin, ha ha ha.

READ MORE:  Toni Gonzaga, umamin na

Aliw din ang eksenang parehong lango na sina Ryza at JC. Ang galing-galing ni Ryza na animo’y lasinggera talaga. Rito’y nag-open up silang dalawa sa kung ano ang nangyari sa kanila kaya lumipad sila sa Palawan ng walang kasama.

Nagtagumpay din si Direk Sigrid sa pagpapakita kung gaano kaganda ang Palawan. At tiyak marami ang magsasabing ‘punta tayo ng Palawan’ kapag napanood ang pelikula dahil talaga namang ipinakita ng director ang napakagagandang tanawin-lugar doon.

 

 

 

 

 

COMMENTS

About Maricris Valdez Nicasio

Scroll To Top
 

Copyright hatawtabloid.com | All Rights Reserved