Categories: Showbiz

Shyr Valdez, hanga sa pagiging totoong-tao ni Super Ma’am Marian Rivera

Share

BILIB si Shyr Valdez sa kabaitan at pagiging totoong-tao ng bida sa Super Ma’am at Kapuso Primetime Queen na si Marian Rivera. Kaya magkahalong lungkot at saya ang nararamdaman niya sa pagtatapos ngayon ng TV series nilang Super Ma’am.

Saad ni Shyr, “There’s a saying… in every beginning, is an ending. In as much as we’d like for the show to continue, we need to end already and move to the next chapters of our careers, and look forward to the next show GMA has in store for all of us.

“It is a bitter sweet goodbye for the cast because the cast of Super Ma’am became really close and we are matter of fact having separation anxiety attacks as far back as a month ago. Our last airing will be January 26, 2018, kaya huwag po ninyong  palalagpasin.”

Dagdag ni Shyr na gumaganap dito bilang principal, “Masaya ako because nakabuo kami ng family sa Super Ma’am, malungkot naman because mami-miss namin ang isa’t isa. Pero may plan naman kami na every month ay may bonding kami. As a matter of fact, nakaayos na sched namin lahat nang get together namin. Pati ang viber group namin, hindi namin aalisin because ‘yun ang main chat room namin where we can always get in touch with one another.”

Ipinahayag din ni Shyr ang pagkabilib kay Marian dahil sa pagiging totoo at mabuting kaibigan. “The first time nakasama ko si Yanyan sa Carmela, ang impression ko agad, iba siya sa mga naririnig ko. But one thing is for sure, straight forward siyang tao at gusto ko ‘yun dahil totoong pagkatao ang ipinapakita niya.

“As the show Carmela progressed, I saw how fond of children si Yanyan (Marian). Then sabi ko sa sarili ko, masuwerte ang magiging anak ni Yanyan. Mukhang magiging mabuting nanay. At at that time, ‘di pa sila kasal ni Dong (Dingdong).

“Dito sa Super Ma’am, dito na kami tuluyan naging magkaibigan ni Yanyan. At napakasarap niyang kasama because alaga niya kami lahat. Maasikaso at ‘di mo mararamdaman na sobrang sikat ang tao na kaharap mo because wala sa utak niya na sikat siya. Masyado siyang kalog at kahit ano kinakain. Maging tuyo, tinapa, sitsirya… kung ano-ano kinakain.

“Ang mga bata sa set kung makipagkulitan sa kanya ganoon na lang at sumasabay siya sa mga bata. Kung makita n’yo lang siya talaga the way we do, maiintindihan ninyo kung bakit ‘di kami makapaniwala sa mga paninira sa kanya. Kasi kahit kailan, hindi namin nakita ang mga sinasabi na negatibo about her. Basta ang masasabi ko, mahal ko si Yanyan, ‘di dahil sikat siya, mahal ko siya bilang kaibigan dahil totoo siyang kaibigan,” mahabang saad ng Kapuso aktres.

Present si Shyr sa opening ng 12th branch ng BeauteLAB by BeauteDerm at Potato King sa tabi ng Fariñas Trans Terminal sa Lacson Avenue, Manila na dinaluhan din ng kapwa BeauteDerm ambassadors na sina Carlo Aquino, Matt Evans, at siyempre pa, ng masipag na CEO/owner nito na si Ms. Rei Tan para sa Meet and Greet ng naturang event.

Nonie Nicasio

Published by
Nonie Nicasio

Recent Posts

Excitement ni Jimmy, sinalag ni Angel

ANO kaya ang pinagmulan ng galit o nag-trigger kay Jimmy Bondoc para mag-post siya ng tungkol sa isang malaking TV network na… Read More

7 hours ago

Nadine, maka-3-in a row kaya?

SA darating na 35th PMPC Star Awards For Movies na gaganapin sa June 2, 2019 sa Resorts World Manila, nominado si Nadine Lustre for Movie… Read More

7 hours ago

Aiko, back-to-back ang nominasyon

SI Aiko Melendez ay nominado rin sa Star Awards For Movies para sa Best Supporting Actress category para sa pelikulang Rainbow’s Sunset, na gumanap siya bilang isang… Read More

7 hours ago

Ms. Rhea Tan, umapaw ang ligaya sa idolong si Ms. Korina Sanchez

NAGPAHAYAG nang labis na ligaya ang CEO at President ng BeauteDerm na si Ms. Rhea Anicoche-Tan nang nakadaupang palad ang… Read More

7 hours ago

Dante Salamat, Best Public Service Awardee ng Gawad Pasado 2019

PINARANGALAN si Dante Salamat sa nakaraang Gawad Pasado 2019 bilang Best Public Service awardee 2019. Si Dante ay isang entrepreneur, coach mentor,… Read More

7 hours ago

10 movie icons pararangalan sa 3rd Eddys (Mga bayani sa likod ng kamera, kikilalanin sa ‘Parangal sa Sandaan’)

SAMPUNG nirerespeto at tinitingalang alagad ng sining ang bibigyang-parangal sa gaganaping 3rd EDDYS (Entertainment Editors’ Choice) ng Society of Philippine Entertainment Editors (SPEEd)… Read More

7 hours ago