Sunday , September 19 2021

Arjo, hinalikan ni Sue nang masugatan sa eksena

TRENDING sa social media ang video na mahigpit na magkayakap sina Sue Ramirez at Arjo Atayde dahil may sugat malapit sa labi ang aktor.

Ang intindi namin ay nasugatan ang aktor siguro sa eksena nila ni Sue kaya niyakap siya ng aktres sabay kiss sa may sugat at hayun, tinutukso na ang dalawa ng mga kasama nila sa Hanggang Saan serye na sina Teresa Loyzaga at Ces Quesada.

Narinig naming sabi ni Teresa na gumaganap na ina ni Sue sa HS, ”uy, uy, kilig-kiligan.”

At si Ces naman bilang yaya ni Sue sa serye na nag-puso sign sabay lapit sa dalawa at tawa lang ng tawa sina Anna (Sue) at Paco (Arjo).

Nakatutuwa ang mga komentong nabasa namin na talagang tinutukso nga ang dalawa at bagay  sila kaya kami naman ay nagkomento rin ng, ‘lagot!’

Kasi naman alam naman nating parehong ‘taken’ na sina Sue at Arjo pero sweet pa rin sila kapag off-cam sa set ng Hanggang Saan.

“Maraming pinagkukuwentuhan ‘yang dalawa na parang sila lang naman ang nagkaka-intindihan,” sabi ng taga-production.

Bigla tuloy naming naalala ang sabi ni Sue noong tuksuhin namin siya kay Arjo, ”may gf naman na si Arjo, ‘di ba?” 

Nakakaloka, si Arjo talaga ang inalala ni Sue? Hindi ba dapat sarili niya kasi nga may Boyband PH boyfriend na siya?

Hmm, baka naman kasi may developing story na sina Arjo at Sue sa totoong buhay at hindi lang bilang sina Anna at Paco sa kuwento ng Hanggang Saan?

Oh, well…let’s wait and see kung maganda ang development at quality na mabubuo kina Arjo at Sue, ano sa tingin mo Ateng Maricris?

 

 

About Reggee Bonoan

Check Also

Blind Item Corner

Panloloko ni actor nabisto ni showbiz gay

ANG akala ng male starlet ay totoong baliw na baliw na sa kanya ang showbiz gay. Ang balak lang …

Leave a Reply

Your email address will not be published. Required fields are marked *