Thursday , November 15 2018
Breaking News
You are here: Home / Opinion / Bayanihan para sa mga apektado ng Mayon
Bayanihan para sa mga apektado ng Mayon

Bayanihan para sa mga apektado ng Mayon

LIBO-LIBO na naman ang nagsilikas at ngayon ay nasa eva­cuation center dahil sa pagsabog ng bulkang Mayon nitong Lunes. Nasa alert level 4 pa rin ang paligid ng Mayon, na ang ibig sabihin ay posibleng magkaroon pa nang mas matinding pagsabog. Dahil dito, mas lalong lumaki ang danger zone, mula sa dating anim na kilometro ay naging walo na ito, kaya ‘yung mga dating ‘di pa apektado ng alboroto ng Mayon, ay kasama na ring lumikas para hindi abutin ng panganib.

READ MORE:  Maraming Salamat Sto. Papa Francisco!

Sa ganitong mga panahon, dito nakikita at nararamdaman ang tunay na pagkatao nating mga Filipino. Ang nakagisnan nating ba­yanihan, ay buhay na buhay. Naroroon ang pagkali­nga sa kapwa dahil sa pagtutulungan sa kabila ng mga hindi inaasahang sitwasyon.

Tunay nga na buhay na buhay ang “bayanihan” sa ating mga Filipino sa ganitong mga pagkakataon, isang tatak-Pinoy na hindi na yata talaga maiaalis sa atin kahit pa anong klaseng problema ang suungin natin.

READ MORE:  Tuso si Erap

Kaya ngayon palang ay nananawagan na tayo sa ating mga kababayan, na muling buhayin ang espiritu ng bayanihan. Ialay ang ating mga kamay sa pagtulong sa mga kababayan na­ting nangangaila­ngansila na ilang daang libo na nasa evacuation center at naghihintay ng mga pansamantalang panga­ngailangan gaya ng pagkain, tubig, damit, gamot at kung ano-ano pa. Bigyang-atensiyon higit sa lahat ang pangangailangan ng matatanda at mga bata sa ganitong panahon ng krisis.

READ MORE:  Parang “bakla” si Duterte

Higit sa lahat sana ay manguna ang pamahalaan sa bayanihang ito, para maisalba ang buhay at kabuhayan ng maraming mga Bico­lano na masasalanta ng pagsabog ng bulkang Mayon.

COMMENTS

About hataw tabloid

Scroll To Top
 

Copyright hatawtabloid.com | All Rights Reserved