Monday , November 19 2018
Breaking News
You are here: Home / Opinion / Ang Kalayaan sa Pamamahayag

Ang Kalayaan sa Pamamahayag

MARIING kinokondena ng Usaping Bayan ang lumalabas na pagtatangka ng mga nasa poder na patayin ang kalayaan sa pamamahayag sa pa­mamagitan ng kung tawagin noon ni dating Senador Rodolfo Biazon ay legal gobbledegook.

Wala sa loob ng vacuum ang pamamahayag kaya dapat nating maunawaan ang konteksto ng desisyon ng Security and Exchange Commission (SEC) na tanggalan ng rehistro ang Rappler, isang internet based news media entity.

Una, bagamat hindi masama ay kagulat-gulat na sa loob lamang ng limang buwan nadesisyonan ang kaso ng Rappler, halatang minadali.

Pangalawa ay may mga ulat na lumabas na hindi umano binigyan ng pagkakataon ng SEC ang Rappler na sagutin ang mga akusasyon kaya lumalabas na parang niluto ang lahat.

READ MORE:   “Alab ng Mamamahayag” a fight for all of the press, ordinary people  

Pangatlo, matatandaan na naging mainit ang mga nasa poder laban sa Rappler dahil sa mga kritikal nitong ulat laban sa kanila at simula nang tukuyin ni Pangulong Rodrigo Duterte sa kanyang State of the Nation Address nitong 2016, ay walang sabi-sabing kumilos ang SEC upang isara ang Rappler. Malinaw pa sa sikat ng Haring Araw ang motibo kung bakit ibig nilang ipasara ito.

Malinaw sa tinuran sa itaas na ginagamitan ng mga legalidad ang sinasabing umano’y kakulangan ng Rappler upang maipasara ito.

“The SEC may be right in its decision but defi­nitely it is not correct. Protect Press Freedom”

***

Ang pagpapasara o pagkontrol sa mga kritikal na media entities ay bahagi ng kilos ng mga kaaway ng demokrasya lalo na ng mga pasistang puwersa upang tuluyang makontrol ang renda ng estado. Kaya dapat tayong maging mapagmatyag sa mga ganitong kilos ng mga nasa po­der.

READ MORE:  Editorial: Basura ang survey ng Pulse Asia

Huwag natin kalilimutan na ang kalayaan sa pamamahayag ay nakamit at tinatamasa natin ngayon dahil sa sakripisyo, dugo, pawis at luha ng mga nauna sa atin sa panahon ng diktadurang Marcos.

***

Ang kalayaan sa pamamahayag ay haligi ng isang malaya at makatarungang lipunan. Kung wala ito ay tiyak na mamamayagpag ang pang-aabuso ng mga nasa poder sa atin at sa kalikasan.

***

Mga bulok at mausok na sasakyan ;di na puwede sa mga lansangan ng Kalakhang Maynila. Para sa karagdagang detalye ay pasyalan ninyo ang Beyond Deadlines sa www.beyonddeadlines.com

READ MORE:  Takot ba sa Mafiang Burikak na Bruha si Erap?

Sana ay makaugalian ninyo na bisitahin lagi ang website ng Beyond Deadlines at panoorin ang segment nito sa Pinoy Houston TV o Howdy Philippines channel ng YouTube. Salamat po.

***

Kung ibig ninyong maligo sa hot spring ay maaari kayong pumunta sa Infinity Resort sa Indigo Bay Subdivision, Brgy. Bagong Kalsada, Calamba City. Ma­lapit lamang sa Metro Manila at mula sa resort na ito ay tanaw ninyo ang banal na bundok Makiling.

Magpadala ng mensahe sa www.facebook.com/privatehotspringresort para sa karagdagang impormasyon o reserbasyon ng lugar. Salamat po.

COMMENTS

About Nelson Forte Flores

Scroll To Top
 

Copyright hatawtabloid.com | All Rights Reserved