Monday , September 24 2018
Breaking News
You are here: Home / Showbiz / Hindi pa ako handang magmahal muli — Angelica (Nag-hire ng private investigator; cellphone, may tracker)

Hindi pa ako handang magmahal muli — Angelica (Nag-hire ng private investigator; cellphone, may tracker)

MARAMING pasabog na kuwento si Angelica Panganiban. Inamin niyang nagsilbi siya sa mga nakaraan niyang nakarelasyon pero iniwan din siya.

Nakare-relate siya sa kanyang role sa Ang Dalawang Mrs. Reyes. Nagawa niya kasi sa pelikula na i-foot spa at sayawan ang kanyang partner na si JC De Vera.

“Oo, bumili rin ako talaga ng pam-foot spa,” lahad niya na tumatawa.

“Ganoon talaga ako… kaya  AYAW ko na,” madiin niyang sambit.

Pero seryoso niyang dugtong, ”Ayaw ko namang tumigil sa pagiging ganoon.Gusto ko pa rin namang magsilbi sa taong karapat-dapat. Ayaw ko namang ma-trauma. Siyempre, may pag-iingat na lang this time pero ayaw kong dumating sa point  na magsisi ako na ..bakit dito hindi ko ibinigay?Ayaw kong sabihing mali pero roon sa mga past mo, eh, ito ang ginawa mo, mas napagsilbihan mo sila, mas naibigay mo tapos itong wala namang ginagawang masama sa ‘yo, eh, sobra kang naghu-whole pack. Ayaw ko namang umabot sa ganoon kaya masasabi kong hindi pa ako ready (magmahal ulit). Kasi siyempre, ang dami kong takot. Takot pa ako ngayon kaya ‘pag nagmahal ako ay kaya ko na ulit,” deklara niya.

READ MORE:  Wansapanataym nominado sa International Emmy Kids Awards

Pero mariin niyang sinabi na kung ang title ng pelikula ay Ang Dalawang Mrs Cruz ay hindi niya tatanggapin.

“Kasi mamimili sila..ako o ‘yung title?,” bulalas niya sabay ngiti.

”Oo, so, kung ‘yun ang title…  baka nga ‘yun ang unang title, eh, uy si Angelica kaya ang kunin natin..hala Mrs. Cruz ‘yung gagawin natin puwedeng Mrs. Reyes na lang, eh, ‘di natanggap ko agad. Title pa lang ang ganda na, walang bahid,” pakli pa niya na tumatawa .

Angelica Panganiban

NAG-HIRE NG PRIVATE
INVESTIGATOR; CELLPHONE,
MAY TRACKER

IBINULGAR din ni Angelica na sa past relationship niya ay na-experience niya na mag-imbestiga, ‘yung pati resibo ay tinitingan, na-experience niya ‘yung tracker sa cellphone, umabot din siya na nagpa-hire na siya ng private investigator kasi nahuli siya na sumusunod.

READ MORE:  Sikat na personalidad, lasing na lasing at may kasamang tsikababe

“Nagpa-hire kaya ako pero matagal na ‘yun. Mahal pala ng mga ‘yun. may mga hundred  thousand pero matagal nilang susundan, hangga’t may makuha silang pruweba. ‘Yun bang Ma’am ano final na ba ito? Matagal na ‘yun…,” hirit pa niya.

READ MORE:  Chavit kauna-unahang Pinoy na nag-invest sa South Korea

“Umabot ako sa ganoong katangahan tapos minsan, o..nahuli ako sa kusina. Hindi kasi ako mapakali, ilaw ng ilaw ‘yung cellphone. Parang may nagte-text sa kanya, e! Kinuha ko ‘yung cellphone, nagpunta ako sa kusina, tinitingnan ko ‘yung cellphone basa..basa. may babae ka, may babae ka talaga.

“Tapos, sabi niya pssst..ano ginagawa mo riyan? Sagot ko, bukas kasi ‘yung gasul pinapatay ko.Ginagamit kong ilaw ‘yung cellphone mo,” kuwento niya sabay bungisngis.

Kasama ni Angelica sa Ang Dalawang Mrs Reyes sina Judy Ann Santos,, JC De Vera, at Joross Gamboa.Showing ito sa January 17 mula sa Star Cinema, Quantum Films, at Idea First Company.

TALBOG!
ni Roldan Castro

COMMENTS

About Roldan Castro

Scroll To Top
 

Copyright hatawtabloid.com | All Rights Reserved