Friday , November 16 2018
Breaking News
You are here: Home / News / 1 patay, 2 sugatan sa motor vs truck
1 patay, 2 sugatan sa motor vs truck

1 patay, 2 sugatan sa motor vs truck

BINAWIAN ng buhay ang isang lalaki habang sugatan ang dalawa ni-yang kasama nang sumal­pok ang kanilang sinasakyang motorsiklo sa isang delivery truck sa Quezon City, nitong Huwebes ng madaling-araw.

Bumulagta sa intersection ng Quezon Ave. at D. Tuazon St., ang tatlong lalaki makaraan tumilapon mula sa sinasakyang motorsiklo.

Salaysay ng truck driver na si Lauro Padilla Jr., naka-green light sa D. Tuazon at tumatawid ng Quezon Ave., nang biglang bumangga ang motorsiklo.

READ MORE:  Case build-up vs Central Visayas narco-cops lilinaw na

Naka-red light umano ang Quezon Ave., kaya nagulat siya na mabilis ang takbo ng motorsiklo.

Ayon sa impormas-yon, lasing umano at walang helmet ang tatlong biktima.

Nakuha sa kanila ang dalawang ID ng pulis ngunit hindi pa kompirmado kung miyembro sila ng pulisya.

May nakuha rin ma-gazine ng baril at mga bala sa kanila, ayon kay traffic investigator Roy Torre.

TOTOY DEDBOL
SA BUNDOL NG SUV

BINAWIAN ng buhay ang isang 12-anyos bata nang mabasag ang bungo makaraan mabundol ng isang SUV sa Roxas Boulevard, Pasay City, nitong Miyerkoles ng gabi.

READ MORE:   ‘I-boycott mga China products’ —dating Congressman Golez

Ayon sa testigong si Mark Ordano, tumatakbong naglalaro ang biktima kasama ang apat iba pang mga bata bago maganap ang insidente.

Nabundol ang bata ng isang itim na SUV nang tumawid siya mula sa northbound ng Roxas Boulevard papuntang southbound.

Sinasabing hindi huminto ang SUV na minamaneho ng isang 17-anyos binatilyo, ayon sa isa pang testigo na si Ariestedes Calaustro.

READ MORE:  Torre de Manila pinatitigil ng SC

Sumuko ang binatil-yong driver sa pulisya makaraan ang insidente.

Ayon sa kaniyang abogado, natakot ang suspek na baka kuyugin kaya hindi huminto.

Depensa ng abogado, banayad lang ang takbo ng SUV. Labis ang paghihinagpis ni Danilo Vargas, ama ng biktima.

“Patawid lang siya sa daan tapos iyon nakita ko na. Sinabi na sa akin na patay na. May basag na iyong ulo,” aniya.

COMMENTS

About hataw tabloid

Scroll To Top
 

Copyright hatawtabloid.com | All Rights Reserved