Categories: Opinion

Bagong comfort rooms sa NAIA terminal 2 ikinatuwa ng balikbayans at iba pang pasahero

Share

ISA tayo sa mga natuwa nang makita natin na nadagdagan na ang comfort rooms sa Ninoy Aquino International Airport (NAIA) Terminal 2.

Wala na tayong nakitang mahabang pila sa comfort rooms lalo na sa mga babae hindi gaya nang dati.

Tuluyan na rin bumango ang simoy ng hangin sa NAIA terminal 2 kasi nga wala nang panghing naaamoy.

Aba e halos ilang panahon nating pinuna ang kapabayaan ng mga nagdaang administrasyon sa pagpapagawa at maintenance ng comfort rooms sa NAIA.

E dito pala sa administrasyong Duterte sa ilalim ng pinagkakatiwalaan niyang si Manila International Airport Authority (MIAA) general ma-nager Ed Monreal e mabilis na mabilis niyang magagawa ang matagal nang hinaing ng mga Balikbayan, turista at iba pang pasahero na nagyayaot sa NAIA.

Ang daming nagpakilalang action man lalo na ang isang ‘honduropot’ pero ang ginawa lang e humakot ng pagkakakitaan sa NAIA.

Bilyones ang budget sa repair ng Airport pero hindi natin nakita noon ang itsura ngayon ng airport.

Malinis, mabango, walang sandamakmak na ‘vendor’ sa loob at naglaan ng mga upuan para sa mga pasahero at sa kanilang well-wishers at higit sa lahat papasok palang sa NAIA, naka-hook ka na sa wi-fi.

Mabuti na lang at mayroong isang GM Ed Monreal na seryosong gumanap sa kanyang tungkulin, obligasyon at responsibilidad.

Mabuhay ka GM Ed Monreal!

MARK ANTHONY
FERNANDEZ
PINALAYA NA
NG HUKUMAN

BAGO matapos ang 2017, pinalaya ng hukuman ang actor na si Mark Anthony Fernandez, ang anak ng actress/politician na si Alma Moreno at ng yumaong actor na si Rudy Fernandez dahil sa “procedural breaches” na ginawa ng Angeles police na dumakip sa kanya.

Marami umanong paglabag na ginawa ang Angeles police lalo sa sinasabi nilang ebidensi-yang 786 gramo at 7,108 gramo ng pinatuyong dahon ng marijuana.

Hindi rin umano ito nasaksihan ng mga itinatakdang kinatawan ng hukuman mula sa media, Department of Justice at elected barangay official.

Bukod diyan, minarkahan ang ebidensiya sa Police Station 6 sa Angeles at hindi sa Barangay Saguin, na kinaarestohan ng actor.

Masasabi nating napakasuwerte ni Mark Anthony dahil naging kakampi niya ang panahon para siya ay magbagong-buhay.

Sana ay magsilbing aral ang karanasang ito sa actor lalo’t mayroon na siyang mga anak na kailangan niyang pakitaan ng mabuting halimbawa.

Hindi ba’t isang magandang pamasko at regalo sa pagpapalit ng bagong taon ang pangyayaring ito kay Mark Anthony?!

Sana’y makaagapay ni Mark Anthony ang kanyang pamilya at mga tunay na kaibigan sa kanyang pagbabagong-buhay.

At sa industriya ng entertainment – please give Mark Anthony a chance.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa JERRYAP888@YAHOO.COM. Para sa mga nakaraang isyu ng BULABUGIN please visit https://www.hatawtabloid.com

BULABUGIN
ni Jerry Yap

Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Published by
Jerry Yap

Recent Posts

Krystall Herbal products kasangga ng buong pamilya

Dear Sister Fely, Ako po si Sherly Tomas, 62 years old, taga-Floodway. Ang ipapatotoo ko po ay tungkol sa Krystall… Read More

5 mins ago

“Lapid Fire” sa DZRJ paboritong program ng overseas Pinoys

IKINAGAGALAK natin ang patuloy na paglago ng mga sumusubaybay sa ating malaganap na programang “Lapid Fire” na gabi-gabing sumasa­himpapawid sa maka­saysayang… Read More

8 mins ago

Tagilid si Sen. Cynthia Villar

KUNG tinitiyak man ng kampo ni Sen. Cynthia Villar na mananalo sila sa darating na May 13 elec­t­ions, hindi nangangahulugang… Read More

16 mins ago

Globe rewards customers nag-donate ng P1.6-M (Para magtanim ng 16,000 puno sa Bukidnon)

“IT is a cause worth every peso and point.” Wala pang isang bu­wan ang nakalilipas, hini­ka­yat ng Globe Telecom ang… Read More

12 hours ago

Ordinaryong Pinoy paano magkakabahay?

HATID ng Bria Homes, isa sa mga nangu­ngunang mass housing developer sa bansa, na matupad ng bawat ordinaryong Filipino ang kanilang… Read More

12 hours ago

Pasasalamat sa ating OFWs

I was not given a day off. I was not even allowed to peek outside a window or step outside… Read More

12 hours ago