Friday , September 21 2018
Breaking News
You are here: Home / News / Paalala ng Palasyo: Masaya, ligtas na Bagong Taon (vs illegal fire crackers)

Paalala ng Palasyo: Masaya, ligtas na Bagong Taon (vs illegal fire crackers)

IPINAALALA kahapon ng Palasyo sa publiko ang mga pinapayagan at ipinagbabawal na mga paputok batay sa umiiral na Republic Act 7138.

Base sa kalatas na inilabas ng tanggapan ni Executive Secretary Salvador Medialdea, ipinabatid sa mga Filipino na nagbebenta at bumibili ng mga paputok para sa pag-iingay sa pagsalubong ng 2018.

Ayon sa Palasyo, bawal ang mga firecracker at pyrotechnic devises na ang lamang pulbura ay lagpas sa dalawang gramo o tinatayang nasa isa punto tatlong kutsarita.

Gayondin ang mga pailaw at paputok na naglalaman ng sangkap na asupre o kaya ay phosporus na inihalo sa chlorate.

Kasama  sa mga ipinagbabawal ang piccolo, super lolo, whistle bomb, goodbye earth, at atomic big triangulo.



Nakasaad sa Republic Act number 7183 o ang batas na nagtatakda ng mga alituntunin sa pagbebenta, paggawa, distribusyon at paggamit ng mga paputok at pailaw na pinapayagan ang mga paputok gaya ng: baby rocket, bawang, small triangulo, pulling of strings, paper caps, el diablo, watusi, judah’s belt, sky rocket o kuwitis, at iba pang uri na pasado sa itinatakdang laman na pulbura.

Pinapayagan din ang mga pailaw gaya ng sparklers, luces, fountain, jumbo regular at jumbo special, mabuhay, roman candle, trompillo, airwolf, butterfly, lahat ng uri ng pyrotechnic devices, at iba pang uri ng pailaw na nakasunod sa itinatakdang dami ng pulbura.

Anang Malacañang, ang Executive Order 28 ay nagtatakda ng limitasyon sa paggamit ng mga pinapayagang paputok sa mga community fireworks display sa lugar na tinukoy ng lokal na pamahalaan sa ilalim ng superbisyon ng mga eksperto na lisensiyado ng pulisya at may kaukulang permit mula sa mga awtoridad para sa pagsasagawa ng fireworks display.

Inilinaw ng Palasyo, pinapayagan ang pailaw tulad ng sparklers sa residential premises ng magpapailaw.

Inuulit ng Malacañang ang apela sa lahat ng Filipino na tumalima sa mga regulasyong sadyang itinatakda ng batas at ipinatutupad ng mga awtoridad upang maging masaya at ligtas ang pagdiriwang para sa pagsalubong ng Bagong Taon.

ni ROSE NOVENARIO

COMMENTS

About Rose Novenario

Scroll To Top
 

Copyright hatawtabloid.com | All Rights Reserved