Thursday , December 13 2018
Breaking News
You are here: Home / News / Tatang, Onyok tiklo sa amok
Tatang, Onyok tiklo sa amok

Tatang, Onyok tiklo sa amok

INARESTO ng mga pulis ang mag-ama nang mag-amok gamit ang baril at samurai sa Pasay City, nitong Linggo ng gabi.

Nakapiit sa Pasay City Police detention cell ang mag-amang sina Renato Ibisate, Sr., 63, at Renato Ibisate, Jr., 30, kapwa residente sa Maricaban.

Ayon sa pulisya, hinuli si Renato, Jr. sa harap ng kanilang bahay sa naturang lugar nang mag-amok dakong 9:00 ng gabi.

READ MORE:  3-anyos nalunod sa septic tank

Dahil sa takot ng mga residente, agad silang nagreklamo sa pulisya at nang magresponde ang mga pulis ay inabutan ang lasing na si Renato Jr., habang nagwawala kaya agad nilang inaresto at kinompiska ang hawak na .38 kalibreng baril.

READ MORE:  PRRC at San Juan City PDP-Laban, umayuda sa mga biktima ng Marawi siege

Nang malaman ni Renato, Sr., na hinuli ang kanyang anak, lumabas siya ng bahay na armado ng samurai. Ngunit naging alerto ang mga pulis at agad nilang dinis-armahan si Renato, Sr.

READ MORE:  Sapatero minartilyo sa agawan ng higaan

Nabatid sa barangay, marami silang natatanggap na reklamo mula sa mga residente laban sa mag-ama dahil tuwing nalalasing ay nagwawala at naghahamon umano ng away.

Ang mag-amang suspek ay parehong nahaharap sa kasong paglabag sa illegal possession of fire arms and deadly weapon.

(JAJA GARCIA)

COMMENTS

About Jaja Garcia

Scroll To Top
 

Copyright hatawtabloid.com | All Rights Reserved