Wednesday , November 21 2018
Breaking News
You are here: Home / Showbiz / Loren Burgos, ipinagmamalaki ang pelikulang Ang Guro Kong ‘Di Marunong Magbasa
Loren Burgos, ipinagmamalaki ang pelikulang Ang Guro Kong ‘Di Marunong Magbasa

Loren Burgos, ipinagmamalaki ang pelikulang Ang Guro Kong ‘Di Marunong Magbasa

IPINAHAYAG ni Loren Burgos ang kagalakan sa pagoging bahagi niya ng indie film na Ang Guro Kong ‘Di Marunong Magbasa. Si Loren ang leading lady ng lead actor dito na si Alfred Vargas. “Ang movie ay tungkol sa farmer na nagkunwari na marunong siyang magsulat at magbasa. Definitely ito ay makabuluhang pelikula na nag-e-emphasize sa value ng education.

“So ang mga bata pong manonood nito, makakapulot sila ng aral dito sa movie,  marami silang matutunan about sa government, at kung bakit may mga child warrior na sumasali sa rebel organization,” saad ni Loren.

READ MORE:  DALAWAMPU’T LIMANG kandidata na homosexual ang lumahok sa beauty...

Dagdag pa niya, “This is my first Cinemalaya film at sobrang blessed ko po na nakasama ko ang napakaraming veteran actors na sobra ang gagaling nila. Nag-audition ako para sa role, pumila talaga ako sa Cinemalaya, pang-384 yata ako noon,” nakatawang saad niya.

Ang pelikula na pinamahalaan at isinulat ni Direk Perry Escaño ay ukol sa pagpapahalaga sa edukasyon. Si Aquil (Alfred) ay isang magsasaka sa liblib na lugar na napilitang maging guro sa mga bata, kahit na siya ay isang no-read no write dahil hindi man lang nakatuntong kahit Grade-1.

READ MORE:  Diego, pinayuhan ni Teresa na tumahimik na

Ngunit, bukod sa kahirapan, makikita rin dito na sagwil sa edukasyong minimithi ng mga kabataan ang peace and order situation sa bansa at korapsiyon sa pa-mahalaan. Kaya ang iba sa kanila ay naging child warrior, humawak ng baril at pumatay ng kapwa, kahit sila ay mga bata pa lamang.

Ano ang masasabi mo kay Alfred bilang co-actor mo rito at kay Direk Perry? “Natutuwa ako kay direk Perry, kasi sobrang bait niya and mahaba ang pasensya. His production was very organized, they gave us the scripts and schedule of shoot days ahead of time. Si Alfred naman, gentleman and ang bait rin niya.”

READ MORE:  Jessie J, special guest sa concert ni KZ Tandingan?

Bukod kina Alfred at Loren, tampok din sa pelikula sina Mon Confiado, James Blanco, Miggs Cuaderno, Marc Justine Alvarez, Lou Veloso, Micko Laurente, Kiko Matos, Paul Sy, Garie Concepcion, Ernie Garcia, Tori Garcia, at iba pa. Palabas na ito sa mga sinehan sa December 6, 2017.

COMMENTS

About Nonie Nicasio

Scroll To Top
 

Copyright hatawtabloid.com | All Rights Reserved