Friday , March 29 2024

Filipino Time

TAYONG mga Filipino ay napupuna dahil sa ating palagiang pagiging huli sa mga appointment o schedule.

Ito ang dahilan kaya nabansagan ang pagi­ging huli natin sa mga lakaran na “Filipino Time.” Subalit hindi naipaliliwanag ng bansag na ito ang dahilan ng ating kakaibang pagbibigay halaga sa oras o panahon na ikinasusuya ng hindi lamang iilan, lalo na ‘yung mga tagalungsod.

Una, dapat nating maunawaan na ang Filipinas, sa kabila ng mga naglalakihang malls, five-star na hotel at gara ng mga sasakyan sa daan ngayon ay nananatiling isang agrikultural na bansa na may “makabagong” bihis lamang. Ang ma­yorya sa mga nagpapatakbo ng ating bansa ay mga panginoong maylupa pa rin at kakaunti lamang ang tinatawag na “industrialists” o mga may-ari ng industriya.

Sa madaling salita, marami pa rin sa ating mga kababayan ang nabubuhay sa pamamagitan ng lupa. Hindi sa pabrika o mga opisina na ginagaba­yan ng oras sa pagtatrabaho nakasalalay ang kanilang ikinabubuhay.

Kung magbabalik-tanaw tayo sa kasaysa­yan ay malalaman natin na ang panahon o oras para sa mga taong sangkot sa agrikultura tulad nating mga Filipino ay nakabatay sa ritmo ng panahon. Seasonal ang oras sa mga tagapagtanim at ang saligang batayan nila ay ang ritmo ng panahon at katawan.

Iba naman ang konsepto ng panahon para sa mga nasa industrialisadong bansa na ang batayan ng orasan ay nakasalalay sa segundo, minuto o oras. Ito ay mga artipisyal na pagtataya ng panahon na inimbento ng mga kapitalista bilang bahagi ng kanilang paraan para disiplinahin ang mga manggagawa sa pabrika o industriya.

Walang halaga sa mga gumagamit ng artipisyal na orasan (halimbawa ay relo) tulad ng mga kapitalista ang ritmo ng panahon o katawan. Tanging ang patak lamang ng segundo sa kanilang relo ang importante dahil ito ay isa sa kanilang ginagamit na sistema ng panukat para sa oras na nagtrabaho ang isang manggagawa.

Lumalabas ngayon na para sa ating mga Fi­lipino, sa kabila nang pagkabighani natin sa konsepto ng panahon na pinangingibabawan ng segundo, minuto at oras, ang nasusunod pa rin na orasan ay ritmo ng panahon at ng ating katawan. Sa ayaw o gusto natin, ang ating puso at damdamin ay nanatiling malapit sa kalikasan o kung ano ‘yung natural, at malaking bahagi ng ating kultura ay nakabatay sa mga paniniwalang ang ugat ay may kaugnayan sa lupa.

***

Nagluluko na naman ang air conditioning unit sa Terminal 3 ng Ninoy Aquino International Airport. Para sa karagdagang detalye ay pasyalan ninyo ang Beyond Deadlines sa www.beyonddeadlines.com

Sana ay makaugalian ninyo na bisitahin lagi ang website ng Beyond Deadlines at panoorin ang segment nito sa Pinoy Houston TV o Howdy Philippines channel ng YouTube. Salamat po.

***

Kung ibig ninyong maligo sa hot spring ay maaari kayong pumunta sa Infinity Resort sa Indigo Bay Subdivision, Brgy. Bagong Kalsada, Calamba City. Ma­lapit sa Metro Manila at mula sa resort na ito ay tanaw ninyo ang banal na bundok Makiling.

Magpadala ng mensahe sa www.facebook.com/privatehotspringresort para sa karagdagang impormasyon o reserbasyon ng lugar. Salamat po.

About Rev. Fr. Nelson Flores, MSCK, JD.

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …

Leave a Reply

Your email address will not be published. Required fields are marked *