Wednesday , September 26 2018
Breaking News
You are here: Home / Bulabugin / Biktima nga ba si ex-Gen. Dionisio “Tagoy” Santiago?
Biktima nga ba  si ex-Gen. Dionisio “Tagoy” Santiago?

Biktima nga ba si ex-Gen. Dionisio “Tagoy” Santiago?

SA pinakahuling mga pangyayari hinggil sa pagkakasibak kay ex-Gen. Dionisio Santiago sa Dangerous Drug Board (DDB), lumalabas na fictitious ang lumagda sa liham na sinasabing ‘reklamo’ ng mga empleyado ng nasabing ahensiya laban sa kanya.

Ang tanong ngayon, kung ‘fictitious’ ang nakapirmang pangalan, peke rin kaya ang mga reklamo?!

Tampok sa mga reklamo ang pagbiyahe sa Europa ni Tagoy kasama ang pamilya at kasunod na biyahe ay sinasabing ‘girlfriend’ niya, gamit ang pondo ng ahensiya.

READ MORE:  IACAT region 6 dedma sa illegal Chinese workers sa aklan!? (Attention: SoJ Vitaliano Aguirre)

At ang pinakamatinding reklamo, binigyan daw ng mansiyon si Tagoy ng mga Parojinog, ang ‘drug lord’ ng Ozamiz City sa Misamis Occidental.

Mabibigat na akusasyon at nakasusugat ng dignidad at integridad ng isang kagaya ni Gen. Santiago na ilang dekadang nanungkulan sa gobyerno at wala ni isang kasaysayan ng katiwalian pero kung kailan pa siya nagretiro ay saka nagkaroon ng ganitong isyu.

READ MORE:  Matthew Marcos Manotoc bagong politiko sa Ilocos

Ang masakit nito, sinibak lang siya at hindi sinampahan ng kaso, kaya wala siyang pagkakataon na maipagtanggol ang kanyang sarili.

Sabi nga, para sa isang government official, mas mabuting sampa­han ng kaso kaysa maitsismis na may ginagawang labag sa itinatakdang kaasalan ng isang opisyal.

Paano ibabangon ni ex-Gen. Santiago ang kanyang pangalan kung basta lang siya sinibak at hindi sinampahan ng kaso?!

READ MORE:  Sampalan Blues nina Mar Roxas at Digong Duterte (Umpisahan na!?)

Pero mas malakas ang umuugong na tanong ngayon: “Sino ang trumabaho kay Santiago?”

Mayroon nga ba?!

Aabangan natin ‘yan.

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap

COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved