Friday , March 29 2024

Mommy Guapa, positibo — Alam ko gigising ang anak ko

WALA namang mali kung may naniniwala man sa isang milagro. Pero mukhang iyon ang inaasahan ng pamilya ni Isabel Granada. Sinasabi ng kanyang dating asawang si Jericho Aguas na ”malapit na pong magkamalay si Isabel.” Ganoon din naman ang paniniwala ng kanyang ina, si Isabel Castro, o mas kilala sa tawag na Mommy Guapa. Sinasabi niyang ”alam ko gigising ang anak ko.” 

Hindi naman tumitigil ang mga nagdarasal para kay Isabel, in fact kahit na nga sa Qatar mismo, may isang grupo ng mga Filipino na nagtipon-tipon sa isang misa na pinangunahan din ng isang paring Filipino na ang idinadalangin sa Diyos ay gumaling si Isabel. Hindi mo talaga masasabi kung ano ang kalalabasan kung ganyan na katindi ang pananalangin para sa kanya. Rito rin naman sa Pilipinas, ang mga dati niyang kasamahan sa That’s Entertainment ay narinig naming nagdarasal din at tumatawag sa kanilang mga kakilala at humihingi rin ng dasal para kay Isabel.

Pero siguro nga masasabing may nagaganap nang himala dahil sinasabi ngang naging normal na ang kanyang blood pressure ngayon, at bumaba na rin ang dati ay napakabilis na tibok ng kanyang puso, mula 158 ay naging 98 na lamang, at iyon ay normal na heartbeat na. Medyo mabilis pa rin dahil ang normal na heartbeat ay mula 60 hanggang 100, pero pasok na iyon sa normal.

Ang kailangan ngayon, kung magiging normal na ang kanyang kalagayan ay maoperahan nga siya para maalis kung may namumuo mang dugo sa utak niya, sanhi ng pagsabog ng isang ugat. Kung maisasagawa na iyon, at saka lang masasabing on the way to total recovery na siya.

Hindi mabilis ang paggaling ng ganyang karamdaman, at malaking gastos iyan. Tiyak na kakailanganin ng pamilya ni Isabel ang maraming tulong mula sa mga nagmamahal sa kanya. Kung maisagawa naman nang maayos ang operasyon, sinasabi nga ng mga espesyalista na sa ngayon mataas na ang chance na maging normal ulit ang lahat para kay Isabel.

Nagpapasalamat naman ang mga nagmamahal sa kanya na hindi totoo ang nadiyaryo pang fake news tungkol sa kanya. Salamat na lang at “kuryente” lang pala iyon.

HATAWAN
ni Ed de Leon

About Ed de Leon

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Cristy Fermin Baron Geisler

Cristy Fermin napatunayan anak ni Baron sa isang aktres

PUSH NA’YANni Ambet Nabus TILA naging vindication naman para sa ating kaibigan at nanay-nanayang Cristy Fermin ang …

Baron Geisler Cristine Reyes Dearly Beloved

Baron binago estilo sa acting, Cristine magaling pa rin

PUSH NA’YANni Ambet Nabus NANIBAGO kami sa ipinakitang acting ni Baron Geisler sa Dearly Beloved, ang latest movie …

Marianne Beatriz Bermundo Khristine Kate Almendras Ornopia Aspire Magazine Ayen Cas

Aspire Magazine tuloy na pag-arangkada; 2 beauty queen inihataw ang galing

SHOWBIZ KONEKni Maricris Valdez Nicasio NAKABIBILIB ang publisher ng Aspire Magazine na si Ayen Cas dahil sa bawat issue …

Leave a Reply

Your email address will not be published. Required fields are marked *