Thursday , March 28 2024
A 10-wheeler trailer truck carrying structural steel beams upturn after it lost its balance along the San Mateo-Batasan Road in Quezon City on Thursday, leaving four people dead and undertermined injured rushed to nearby Hospitals. Photo by DARREN LANGIT

22-wheeler truck ng bakal bumulusok, 5 patay

LIMA katao ang patay habang marami ang malubhang nasugatan makaraan suyurin ng bumulusok na 22-wheeler truck ang tatlong sasakyan at sagasaan ang mga pedestrian sa Batasan-San Mateo Road, Brgy. Batasan Hills, Quezon City kahapon.

Patuloy na kinikilala ng Quezon City Police District-Traffic Enforcement Unit Sector 5 ang mga biktimang namatay na kinabibilangan ng isang estudyante at isang bombero.

Sa imbestigasyon ng pulisya, dalawa sa biktima ang namatay noon din makaraan madaganan ng truck, habang ang estudyante ay hindi umabot nang buhay sa Malvar General Hospital sa Commonwealth Avenue, at ang dalawa pa ay dead on arrival sa Saint Mathew’s Hospital sa San Mateo, Rizal.

Habang inaalam ng pulisya ang bilang ng mga sugatan na isinugod sa iba’t ibang ospital na ma-lapit sa pinangyarihan ng insidente.

Ayon sa pulisya, dakong 3:15 pm nang mangyari ang insidente sa Batasan-San Mateo Road nang mawalan ng kontrol ang truck na puno ng bakal.

Pababa ang truck papuntang San Mateo, Rizal galing sa IBP Road sa Quezon City nang mawalan ng kontrol dahil sa sobrang bigat ng kargang mga bakal.

Hindi nakayanan ng preno ng truck ang bigat kaya mabilis itong bumulusok mula kanto ng Batasan-San Mateo Road at Battalion Road hanggang Senatorial Dr.

Pagdating sa Senatorial Dr., ay tumagilid ang truck at nadaganan ang dalawang pedestrian. Habang marami ang nasugatan nang masagasaan ng truck nang bumulusok.

Samantala, tatlo pang sasakyan na kinabibilangan ng Toyota Fortuner, Innova at Avanza ang nawasak nang suyurin ito ng truck.

Sugatan din ang mga pasahero ng tatlong sasakyan na isinugod sa pagamutan. (ALMAR DANGUILAN)

About Almar Danguilan

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *