Friday , November 16 2018
Breaking News
You are here: Home / Showbiz / Galing ni Coco sa drama ‘di na kinukuwestiyon
Galing ni Coco sa drama ‘di na kinukuwestiyon

Galing ni Coco sa drama ‘di na kinukuwestiyon

MASELAN ang eksenang kinunan sa seryeng FPJ’s Ang Probinsyano. Iyon ‘yung nagkita sina Coco Martin at Yassi Pressman na napaka-dramatic ang eksena. Hindi niya napigilan ang hindi maluha.

Haos sabay-sabay na pumalakpak ang nakapaligid sa taping na kinunan ang eksena bilang paghanga. May nagkomento lang na noon kahit kailan ay hindi tumulo ang luha ni Fernando Poe Jr.

Anyway, may kanya-kanyang style ang mga artista. Hindi puwedeng punahin at pulaan ang pagluha ni Coco. Sadyang mababaw ang luha ng actor at magaling umarte. Naipamalas nang minsan ng actor ang galing sa drama sa mga nagawa niyang movie noon.

RHENE IMPERIAL,
BALIK-PELIKULA,
PUWEDE RING
LUMABAS SA FPJAP

MALAPIT nang mapanood muli sa screen ang dating action star na si Rhene Imperial. Ito’y sa pelikulangJacob Drug Lord directed by William Mayo.

READ MORE:  LA Santos, gustong makatrabaho si Ian Veneracion

Nakumbinse ang actor na muling gumawa ng pelikula dahil bagay sa kanya bilang drug lord.

May nasagap kaming balitana  baka mapabilang si Rhene sa puwedeng pumasok din sa FPJ’s Ang Probinsyanodahil matatapos na rin ang istorya ng Pulang Araw ni Lito Lapid. Babalik na kasi ang istorya ni Eddie Garciana ukol sa droga. Ito’y idinidirehe nina Toto Natividad at Malu Sevilla.

JAMES, KAILANGANG
PALAKIHIN
ANG KATAWAN PARA
SA PEDRO PENDUKO

MARAMI na ang excited sa nabalitang magsosolo na si James Reid sa Pedro Penduko.

Kaso may kahilingan ang fans na sana ay mag-body build muna ang actor para magmukhang maskulado si Penduko at hindi payatot.

READ MORE:  Humahataw sa international scene

Marami kasing makaka-engkuwentro si Pedro kaya kailangan malaki ang katawan nito. Paano nga naman niya maibabalibag ang mga kaaway kung manipis ang katawan.

PAGTATALAGA KAY NORA
BILANG NATIONAL ARTIST,
MULING HINILING

SA darating na taon dapat maibigay na kay Nora Aunor ang karangalang National Artist. Ilang beses nang hiniling iyong ibigay sa aktres pero laging nauudlot.

May nagsasabing kahit hindi ibigay ang award ay okey na rin dahil sa mga ipinakitang pruweba sa movie industry ay isa maituturing na rin siyang national artist.

ARA, PINATIRA
SI DEBORAH
SA CONDO

GUWAPO si Jam Melendez, anak ni Deborah kay Jimmy Melendez. Six footer ang bagets at talaga namang puwedeng ihanay sa mga naglipang baguhang artista sa anumang network.

READ MORE:  Hunk actor, isinusumpa ng mga katrabaho dahil sa kakuriputan

Si Jam ay kapatid ni Aiko pero bihira silang magkita.

Malaki ang pasasalamat at paghanga ni Deborah kay Ara Mina na nagsisilbing guardian angel nila ng kanyang mga anak. Pinatira kasi sila ni Ara sa condo ng walang bayad at may grocery pang ibinibigay.

Nagkasama sina Ara at Deborah sa isang taping at doon nito nalaman na walang matirahan ang mag-ina. Kaya naman inialok nito ang kanyang condo.

No wonder sunod-sunod ang blessings na dumarating sa buhay ng aktres.

Ganyan talaga si Ara, mabait. May binigyan nga rin siya ng kotse, isang kapatid sa panulat.

SHOWBIG
ni Vir Gonzales

COMMENTS

About Vir Gonzales

Scroll To Top
 

Copyright hatawtabloid.com | All Rights Reserved