Friday , March 29 2024

Kalbaryo vs terorismo ‘di pa tapos — AFP

HINDI pa tapos ang kalbaryo ng Armed Forces of the Philippines (AFP) laban sa terorismo makaraan mapatay ang tatlong matataas na leader ng ISIS-inspired Maute terrorist group at liberasyon ng Marawi City.

Kinompirma ni AFP spokesperson Major Gen. Restituto Padilla, pinaghahanap ng tropa ng pamahalaan ang prominenteng Malaysian bomb-maker na si Amin Baco alyas Commander Baco, miyembro ng Darul Islam terrorist group sa Malaysia.

Si Baco ay isa sa 40 foreign terrorists na nasa Mindanao, 20 Indonesian, anim ang Malaysians at 14 ang Yemenis at Saudi Arabians.

Kamakalawa, na-patay ng militar si Dr. Mahmoud Ahmad, Malaysian financier ng Maute group, at noong Lunes ay napaslang ng military snipers sina ISIS Southeast Asian emir at Abu Sayyaf (ASG) leader Isnilon Hapilon, at Maute group leader Omar Maute.

“May isang prominenteng commander diyan, si Commander Baco kung hindi ako nagkakamali, na atin pang hinahanap at maaaring naging parte ng ilang namatay noong mga naunang pagkakataon. So ‘yan po ‘yung mga bagay na kasama sa ating mga nais maberipika sa mga ginagawa nating hakbang sa loob ng Marawi. Ang mga grupong pinamunuan niya o ‘yung grupong pinamumunuan niya ay isa sa mga nagpahayag ng kanilang allegiance sa Daesh noong araw at naging kasanib sa puwersa nitong mga Maute brothers pati ng grupo ni Hapilon, ‘yung ASG component na nagpunta riyan,” ani Padilla.

Batay sa ulat, si Baco ay asawa ng isang prominenteng Abu Sayyaf family sa Sulu na pinamumunuan ni Sawadjaan, pinuno ng ASG faction Tanum group.

Dumating siya sa bansa noong 2003 at naging katuwang ng Jemaah Islamiyah leaders na sina Umar Patek at Sulkifli bin Hir alyas Marwan sa pagre-recruit ng Indonesian at Malaysian jihadists para magsanay sa MILF camp sa Maguindanao.

Ani Padilla, sa apat local terrorist groups sa Mindanao, ang Bangsamoro Islamic Freedom Fighter (BIFF) ang may kakayahan na maghasik ng karahasan.

Ang tatlong ibang terror groups ay Maute, ASG at Ansar Khalifa Philippines (AKP).

(ROSE NEVENARIO)

About Rose Novenario

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *