Monday , September 24 2018
Breaking News
You are here: Home / Showbiz / Spirit of the Glass 2: The Haunted, scariest movie of the year
Spirit of the Glass 2: The Haunted,  scariest movie of the year

Spirit of the Glass 2: The Haunted, scariest movie of the year

NAGBABALIK si Direk Jose Javier Reyes sa paggawa ng isa na namang katatakutang pelikula, ang Spirit of the Glass 2: The Haunted.
Sinasabing kung natakot na kayo sa unang Spirit of the Glass, sa Nobyembre 1, tiyak na mapapaos kayo sa katitili dahil talaga namang nakahihindik ang mga tagpong mapapanood na ipakikita ng mga bagong bida ritong sina Cristine Reyes, Daniel Matsunaga, Enrico Cuenca, Benjamin Alves, Janine Gutierrez, Dominique Roque, Aaron Villaflor, actress-TV host Ashley Ortega, at ang country’s most promising star Bb. Pilipinas-Universe 2016 Maxine Medina.
Naniniwala ang power team ng Octo Arts Films sa pangunguna ni Boss Orly Ilacad at si Reyes na ang  Spirit of the Glass 2: The Haunted ay matatapatan o ‘di man malalampasan ang tagumpay ng unang Spirit of the Glass na pinagbibidahan nina Dingdong Dantes, Rica Peralejo, Ciara Sotto, Jake Cuenca, Paolo Contis, Drew Arellano, Alessandra de Rossi, at Marvin Agustin. 
Ayon kay Direk Joey, ”Yes, the sequel is totally independent from the original story. However, it also employs the same tropes of the first ‘Spirit..’ that is, the discovery of an ouijaboard and the carelessness of opening the gateway of the ‘other world’ into the domain of the living..  The characters are different but there are echoes of the original in terms of story structure.” 
Ang pelikula ay ukol sa tatlong magkakaibigan, sina Bea (Cristine), isang lifestyle editor; Lisette (Ashley), isang up and coming young actress; at Chelsea (Maxine), isang popular model sa mainstream at viral advertising na sumikat sa pamamagitn ng social media at nakilala sa  Instaglams. Ang tatlo na mga bata pa, magaganda, at unsuccessful ay hindi akalaing mapupunta sa mundo ng supernatural dahil sa Ouija board na namana ni Bea sa kanyang grandaunt.
Hindi sinasadyang nabuksan ng tatlo kasama ang kani-kanilang boyfriend ang gate ng other world na may tatlong spirits na kokonek  sa kanila nang laruin ang Ouija Board kaya naistorbo ang mga kaluluwang humihingi ng katarungan mula sa isang krimeng nangyari 50 years ago. Dito nagsimula ang habulan.
Ang Spirit of the Glass 2:The Haunted ay mula sa OctoArts Films sa pakikipagtulungan ng T-Rex Entertainment. Kaya kung hanap ninyo ay nakatatakot at magandang horror movie, ‘wag palampasing hindi mapanood sa opening day sa  Nov. 1.

COMMENTS
READ MORE:  Ryan Agoncillo sawa na nga bang mag-host ng Talentadong Pinoy? ( Ipinasa na kay Edu Manzano! )

About Maricris Valdez Nicasio

Scroll To Top
 

Copyright hatawtabloid.com | All Rights Reserved