Monday , September 24 2018
Breaking News
You are here: Home / Sports / Eze tanggal na sa NCAA MVP race
Eze tanggal na  sa NCAA MVP race

Eze tanggal na sa NCAA MVP race

TULUYAN nang natanggal sa mainit na karera ng Most Valuable Player si Prince Eze matapos ang pagkawala ng tsansa ng Perpetual na makapasok sa Final Four ng NCAA Season 93.
Kasalukuyang nangunguna sa karera, wala nang tsansang magtapos sa unahan ang Nigerian na si Eze dahil sa pagkakatalo ng Altas sa nagdedepensang kampeon na San Beda Red Lions, 55-50 kamakalawa.
Ayon sa mandato ng NCAA, hindi maaaring magwagi ng MVP ang manlalaro kung hindi aabot sa Final Four ang kanyang koponan. Sa 4-10 kartada ng Perpetual, hindi na sila aabot sa Final Four kahit pa maipanalo ang huling apat na laro.
Bunsod nito, wala nang tsansa si Eze sa kabila ng halimaw na mga numero nitong 15.5 puntos, 17.2. rebounds at 2.6 blocks.
Maiiwan sa mga kamay ng magkasangga sa Lyceum na sina Mike Nzeusseu at CJ Perez ang tsansang maagaw ang manibela papasok sa dulo ng eliminasyon.
Nagrerehistro si Nzeusseu ng 10.9 puntos, 11.1 rebounds at 1.1 blocks habang mayroong 18.6 puntos, 6.7 rebounds, 3.5 assists at 1.5 steals si Perez para sa nangungunang Pirates na may 15-0 kartada.
Samantala, nasa likuran sina Javee Mocon ng San Beda, Rey Nambatac ng Letran at Sydney Onwubere ng Emilio Aguinaldo College.
Kumakana ng 12.5 puntos, 10.4 rebounds at 3.5 assists si Mocon, si Nambatc ay may 16.6 puntos, 8.3 rebounds at 3.0 assists habang tumitikada ng 15.8 puntos, 11.2 rebounds at 1.5 blocks si Onwubere.
Huling nanalo ng MVP si Jay Sagad mula sa hindi nakapasok sa Final Four na College of St. Benilde noong Season 81.

READ MORE:  Talamak na sugalan sa Tondo, Manila at unang pakarera ng kasapi
READ MORE:  Ginebra kontra Global Port

ni John Bryan Ulanday

COMMENTS

About John Bryan Ulanday

Scroll To Top
 

Copyright hatawtabloid.com | All Rights Reserved