Tuesday , March 19 2024

Eze tanggal na sa NCAA MVP race

TULUYAN nang natanggal sa mainit na karera ng Most Valuable Player si Prince Eze matapos ang pagkawala ng tsansa ng Perpetual na makapasok sa Final Four ng NCAA Season 93.
Kasalukuyang nangunguna sa karera, wala nang tsansang magtapos sa unahan ang Nigerian na si Eze dahil sa pagkakatalo ng Altas sa nagdedepensang kampeon na San Beda Red Lions, 55-50 kamakalawa.
Ayon sa mandato ng NCAA, hindi maaaring magwagi ng MVP ang manlalaro kung hindi aabot sa Final Four ang kanyang koponan. Sa 4-10 kartada ng Perpetual, hindi na sila aabot sa Final Four kahit pa maipanalo ang huling apat na laro.
Bunsod nito, wala nang tsansa si Eze sa kabila ng halimaw na mga numero nitong 15.5 puntos, 17.2. rebounds at 2.6 blocks.
Maiiwan sa mga kamay ng magkasangga sa Lyceum na sina Mike Nzeusseu at CJ Perez ang tsansang maagaw ang manibela papasok sa dulo ng eliminasyon.
Nagrerehistro si Nzeusseu ng 10.9 puntos, 11.1 rebounds at 1.1 blocks habang mayroong 18.6 puntos, 6.7 rebounds, 3.5 assists at 1.5 steals si Perez para sa nangungunang Pirates na may 15-0 kartada.
Samantala, nasa likuran sina Javee Mocon ng San Beda, Rey Nambatac ng Letran at Sydney Onwubere ng Emilio Aguinaldo College.
Kumakana ng 12.5 puntos, 10.4 rebounds at 3.5 assists si Mocon, si Nambatc ay may 16.6 puntos, 8.3 rebounds at 3.0 assists habang tumitikada ng 15.8 puntos, 11.2 rebounds at 1.5 blocks si Onwubere.
Huling nanalo ng MVP si Jay Sagad mula sa hindi nakapasok sa Final Four na College of St. Benilde noong Season 81.

ni John Bryan Ulanday

About John Bryan Ulanday

Check Also

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

RP Blu Boys JHL Jean Henri Lhuillier

JHL nagalak  
CEBUANA LHUILLIER SOFTBALL TEAM WAGI SA PANGEA CUP INT’L SLO PITCH TOURNEY

MULING nagwagi ang RP Blu Boys, na ipinagtanggol ang kanilang titulo sa Men’s Super Division …

Pinoy electrical & civil engineers bowler rivalry sa WED tuloy-tuloy

Pinoy electrical & civil engineers bowler rivalry sa WED tuloy-tuloy

SA TEMANG “Engineering Solutions for a Sustainable World,” ang Philippine Technological Council (PTC) WED celebration …

Michael Concio Chess

FIDE Rapid Rated event:  
IM CONCIO KAMPEON SA 1ST MARINDUQUE NAT’L CHESS CHAMPS

Final Standings: (Open Division, 83 participants) 6.5 points—IM Michael Concio Jr. 6.0 points—FM Roel Abelgas, …

Daniel Quizon Jonathan Jota Chess

Quizon giniba si Jota nanguna sa 1st Marinduque National Chess Championship

MANILA — Winalis ni reigning Philippine National Open Champion International Master Daniel Quizon ang kanyang …

Leave a Reply

Your email address will not be published. Required fields are marked *