Saturday , September 22 2018
Breaking News
You are here: Home / News / 100 bata nasagip sa malnutrisyon (Sa Navotas City)
100 bata nasagip sa malnutrisyon (Sa Navotas City)

100 bata nasagip sa malnutrisyon (Sa Navotas City)

Sa 104 batang may pinakamalalang kaso ng malnutrisyon, 100 ang napagaling ng Navotas City Nutrition Office.

Base sa datos, sinabi ni Navotas City Mayor John Rey Tiangco, nakapagtala sila noong Enero ng 104 bata na may edad 0-71 buwan sa katergoryang “severely wasted” na pinakamalala sa mga kaso ng severe acute malnutrition (SAM).

“Nasa bingit ng kamatayan ang mga batang may SAM kaya doble ang pagsisikap natin na maayos ang kanilang kalusugan at tuluyan silang gumaling,” ani Tiangco.

Sa tulong ng City Nutrition Office at Save the Children, naglatag ng serye ng mga supplemental feeding, regular checkup at evaluation sa mga pasyenteng apektado ng SAM.

“Ang malnutrisyon ay nananatiling isa sa malaking suliranin na kinakaharap ng ating bansa. Dito sa Navotas, bagama’t maliit na porsiyento lamang ng mga bata ang apektado, itinuturing pa rin natin itong sagabal sa hangarin nating maitaas ang antas ng kabuhayan ng mga Navoteño,” ani Tiangco.

Sa kabila nito, inatasan ni Tiangco ang mga health personnel na magbahay-bahay sa lungsod upang makatiyak na lahat ng bata ay nasa maayos na kalusugan sa kanilang lungsod.

Kamakailan, binuksan ang community-based management of acute malnutrition out-patient therapeutic centers sa Barangay North Bay Boulevard South sa District 1 at Brgy. San Roque sa District 2.

Nakatanggap din ang lungsod ng 50 kahon ng ready-to-use therapeutic food mula sa Department of Health.

(JUN DAVID)



COMMENTS

About Jun David

Scroll To Top
 

Copyright hatawtabloid.com | All Rights Reserved