Saturday , November 17 2018
Breaking News
You are here: Home / Opinion / ‘Impeachment’ vs Bautista ng VACC at ni Topacio bokya na naman
‘Impeachment’  vs Bautista ng VACC at ni Topacio  bokya na naman

‘Impeachment’ vs Bautista ng VACC at ni Topacio bokya na naman

INSUFFICIENT in form na, wrong verification pa.

‘Yan daw ang rason kung bakit ibinasura ng House justice committee ang impeachment complaint laban kay Commission on Elections chairman Andres Bautista.

Ang complaint ay inihain nina Atty. Ferdinand Topacio at dating Negros Occidental representative Jacinto Paras, na kapwa miyembro ng Volunteers Against Crime and Corruption (VACC).

Ito ay kaugnay ng kabiguan ni Bautista na ideklara ang kanyang mga propriedad o ari-arian sa kanyang Statement of Assets, Liabilities, and Net Worth (SALN) at umano’y iba pang ill-gotten wealth.

Mantakin ninyo, mali ang verification form na ginamit.

Basic rin daw dapat sa mga naghahain ng impeachment complaint na ang private complainants ay may personal knowledge sa kanilang mga alegasyon.

Kaya ang ginawa nina Topacio at Paras naghain sila ng substitute verification, para ituwid ang orihinal na naihain.

READ MORE:  Dagdag budget solusyon ni Bato sa maayos na Bilibid

Inendoso ito ni Rep. Harry Roque, isa sa tatlong mambabatas na dati nang nag-endoso sa complaint.

Ang siste nga insufficient in form pa rin kaya hayun, tuluyan nang ibinasura ng House justice committee.

Strike two na kayo Atty. Topacio and VACC!

Una ‘yung kay Supreme Court Chief Justice Lourdes Sereno tapos ngayon itong kay Bautista.

Hindi tuloy maintindihan ng publiko kung seryoso ba si Topacio at ang VACC sa paghahain ng impeachment complain?!

O may iba pang nasa likod ng paghahain na ‘yan?!

Alam ba ninyong kapag nasampahan ng impeachment complaint ang isang opisyal ng gobyerno at na-dismiss, 12 buwan o isang taon na hindi sila puwedeng sampahan ng impeachment complaint?

READ MORE:  Korupsyon laganap sa bakuran ni Sevilla

Hindi ba inaral ni Topak ‘este Topacio, bilang abogado, kung bakit na-dismiss ang inihain nilang impeachment complaint kay Sereno?

Ay sus!

Uulitin lang natin ang tanong, hindi ba inaaral ng VACC ang pagsasampa ng impeachment complaint? Bakit?

Hmmmnnn…somethin’ smellin’ fishy here.

‘SULSULTANTS’ ‘este
CONSULTANTS TSUGIHIN
SA GOV’T OFFICES

KAMAKAILAN, sinibak ni Pangulong Rodrigo “Digong” Duterte si Sugar Regulatory Administration chief, Anna Rosario Paner.

Natuklasan kasi na si Paner ay kumuha ng tatlong consultants at pinasusuweldo ng P200,000 bawat isa kada buwan.

Wattafak!

Ang suwerte-suwerte naman ng consultants na ‘yan, mantakin ninyo, P200,000 ang suweldo kada buwan?!

Nagagawa bang ginto ng mga ‘sulsultants’ ‘este consultants na ‘yan ang mga produkto nating asukal?

Sonabagan!

Kung tutuusin, ano ba ang silbi ng mga consultant sa iba’t ibang ahensiya ng pamahalaan?!

READ MORE:  Mabuhay ka BoC Comm. Sid Lapeña!

‘E hindi ba’t bago maging opisyal ng isang ahensiya e sandamakmak ang aral na ginagawa nila?! Bukod sa mga seminar at crash courses na kailangan nilang i-comply, may Master’s Degree sila, ‘yung iba nga doctorate pa, tapos kailangan pa ng mga ‘sulsultant’ ‘este consultant?!

Bakit, saan ba kumuha ng MA o PhD ‘yang mga ‘yan, sa diploma mill ba?!

Hay naku!

Daming aral, daming dunong, dami rin diskarte para huthutan ang sambayanan.

Tanggalin ang ‘consultants’ sa lahat ng tanggapan ng ahensiya ng gobyerno!

Para sa mga reaksiyon, suhestiyon, reklamo at sumbong, magtext sa 0977.705.22.31 o mag-email sa [email protected] Para sa mga nakaraang isyu ng BULABUGIN please visit http://www.hatawtabloid.com

BULABUGIN
ni Jerry Yap





COMMENTS

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)
Scroll To Top
 

Copyright hatawtabloid.com | All Rights Reserved