Sunday , November 18 2018
Breaking News
You are here: Home / News / Military junta iniamba ni Duterte
Military junta  iniamba ni Duterte

Military junta iniamba ni Duterte

NAGBABALA si Pangulong Rodrigo Duterte na ipapasa ang poder sa militar kapag nagpasya siyang magbitiw bilang Punong Ehekutibo kapag ayaw na sa kanyang liderato ng mga mamamayan.

Sa panayam kagabi sa PTV-4, sinabi ng Pangulo ang pagkaluklok sa kanya sa Palasyo ay batay sa Konstitusyon, nanalo siya sa halalan kaya’t isusumite niya sa Kongreso ang kanyang resignation letter sakaling mabuo ang pasyang umalis sa Malacañang.

Kailangan aniyang pumayag ang militar sa kanyang ihahaing resignation letter sa Kongreso bago maging epektibo dahil ang hukbong sandatahan ang magdedetermina kung masusunod ang “rule of succession” alinsunod sa Konstitusyon.

READ MORE:  Umali inarbor si Delfin Lee?

Gaya nang nangyari sa ibang bansa sa Southeast Asia gaya ng Myanmar, Thailand at Indonesia, isinasailalim sa military junta ang gobyerno kapag may malakas na pagtutol ang mga mamamayan sa kasalukuyang leader ng bansa.

READ MORE:  ASG pupulbusin

Hinamon ni Duterte ang mga grupong maglulunsad ng kilos-protesta laban sa kanyang administrasyon bukas, okupahan ang EDSA hanggang isang buwan basta susunod lang sila sa batas trapiko at hindi maninira ng mga ari-arian.

Nakahanda ang Pangulo na magpatupad ng rerouting sa mga sasakyan para maiwasan ang EDSA at hindi maabala ang mga rally ng kanyang mga kritiko.

READ MORE:  Senado sinisi sa SSL 4 ‘deadlock’

Ilang beses nang nagpahiwatig na nagbubuo ng military junta ang Pa-ngulo sa pagtatalaga ng mga retiradong heneral sa kanyang administrasyon.

Halos 60 ang retiradong heneral ng pulisya’t militar sa gobyernong Duterte sa pangunguna nina National Security Adviser Hermogenes Esperon, Jr., Defense Secretary Delfin Lorenzana, at Environment SEcretary Roy Cimatu.

ni ROSE NOVENARIO

COMMENTS

About Rose Novenario

Scroll To Top
 

Copyright hatawtabloid.com | All Rights Reserved